திருவோ டுறையுந் திருவே திருவா
மிரவோ டுறையு மிருளா - யரவோ
டரளு மருளே யருளா மருளே
கரவோ டருளு மருள்
பொருள் -1
இரவோடு உறையும் இருளாய் திருவோடு உறையும் திருவே திருவாம் :-
திரு ஆகிய மகாலக்ஷ்மியுடன் உறையும் செல்வமே திருமால் தான் , அவர் இரவும் இருளும் போல என்றும் பிரிக்க வியலாத தவாறு கலந்திருப்பார் ,
அரவோடு அருளும் அருளே அருளாம் :-
அவ்விருவரும் சேர்ந்து ஆதி சேஷனுடன் இருந்து மூவருமாக அருளும் அருளே அருளாம் (ஆதிசேஷன் இராமானுசர் என்பதால் திருமாலை அடைவதற்கு ஆச்சார்ய சம்பந்தத்தின் இன்றியமையாமை கூறப்பெற்றது ) ,
மருளே கரவோடு அருளும் அருள் :-
கரவோடு (மறைத்து) பிறர் அருளும் அருளெலாம் மருள் என்றறிக
பொருள் -2
இரவோடு உறையும் இருளாய் திருவோடு உறையும் திருவே திருவாம் :-
திருவோட்டில் உறைகின்ற செல்வமே செல்வம் (செல்வ நிலையாமை) இரக்கின்ற அத்திருவோட்டில் ஏதுமிருக்காது என்பதால் இருள் போல் வெறும் வெளியாய் இருக்கும் ,
அரவோடு அருளும் அருளே அருளாம் :-
அர வோடு (அரனின் வோடு - கபாலி திருக்கோலம், அல்லது அரவும் ஓடும் பூணும் கபாலி சிவபெருமான் என்று ஆகுபெயராய்க் கொள்ளலாம் ) அருளும் அருளே அருளாம்!
அருளே கர ஓடு அருளும் அருள் :-
அருளே அவன் கரத்தின் இருக்கும் ஓடு அருளும் அருள். அனைத்தையும் துறந்து இறைவனும் அவன் அருளும் ஒன்றே கதி எனவிருப்பதையும் செல்வத்தின் நிலையாமையும் குறிக்கும் படியாக அமைந்தது
கருத்துகள் இல்லை:
கருத்துரையிடுக