அம்மையப்பர் சேவைதன்னி லாழ்ந்தபுண்ட ரீகனை
வந்தடைந்து வாசனின்று மானுடர்போல் வேடமிட்
டம்மையப்பர் சேவைவேண்ட காத்திருக்கச் சொல்லிதன்
செம்மையுற்ற வீன்றபெற்றோர் பக்திசேவை செய்தபின்
றம்மையண்டிச் சேவைவேண்டிக் காத்திருந்த மாந்தரைத்
தங்கள்வேண்டு தேவையெண்ணி கேட்டமைந்த னின்புற
மும்மையாளு மம்மையைப்பர் நாங்களென்று ரைத்தவு
ருப்பிணிச்ச மேதனின்ற விட்டலாளு மூரிதே
சீர் பிரித்து
அம்மை அப்பர் சேவை தன்னில் ஆழ்ந்த புண்டரீகனை
வந்து அடைந்து வாசல் நின்று மானுடர் போல் வேடம் இட்டு
அம்மை அப்பர் சேவை வேண்ட காத்து இருக்கச் சொல்லி தன்
செம்மை உற்ற ஈன்ற பெற்றோர் பக்தி சேவை செய்த பின்
தம்மை அண்டி சேவை வேண்டிக் காத்து இருந்த மாந்தரைத் தங்கள் வேண்டு தேவை எண்ணி கேட்ட மைந்தன் இன்புற
மும்மை ஆளும் அம்மை அப்பர் நாங்கள் என்று உரைத்த உருப்பிணிச் சமேத விட்டல் ஆளும் ஊர் இதே
மும்மை - இம்மை மறுமை முத்தி
அம்மையப்பர் - கிருஷ்ண உருப்பிணி (ருக்மிணி)
கருத்துகள் இல்லை:
கருத்துரையிடுக