குழந்தை விருத்தம்

குழந்தைநீ குமரிநீ குலங்காக்குந் தாயுநீ

        குளிருநீ வெயிலுநீ கார்பொழியு மழையுநீ

யழுந்து வினைதீர்க்கு மமுதுநீ யழகிநீ

       யடைவுநீ யசைவுநீ யசைவறியா விசையுநீ

யொழுங்குநீ யுணர்வுநீ யுணர்வறியா மூலநீ

       யுயர்வுநீ யுதிர்வுநீ யுருவமைக்கு முமையுநீ

கொழுந்துநீ பழமுநீ குணங்கடந்த வாதிநீ

       விழுந்துனையே நாளுந்தொழ விருப்ப மருள்வாயே

 

 

சீர் பிரித்து 

குழந்தை நீ குமரி நீ குலம் காக்கும் தாயும் நீ

குளிரும் நீ வெயிலும் நீ கார் பொழியும் மழையும் நீ

அழுந்து வினை தீர்க்கும் அமுதும் நீ அழகி நீ

அடைவு நீ அசைவு நீ அசைவு அறியா விசையும் நீ

ஒழுங்கு நீ உணர்வு நீ உணர்வு அறியா மூலம் நீ

உயர்வு நீ உதிர்வு நீ உரு அமைக்கும் உமையும் நீ

கொழுந்து நீ பழமும் நீ குணம் கடந்த ஆதி நீ

விழுந்து உனையே நாளும் தொழ விருப்பம் அருள்வாயே

பொருள்

குழந்தை - பாலா, குமரி -தருணீ , தாயென்ற (லலிதா) மூன்று வடிவமும் உன்னது, குளிர், வெயில் மழை என்ற மூன்று பருவமும் நீயே, எம்மை அழுத்தும் வினைகளை தீர்க்கும் அமுதம் நீயே , திருபுரசுந்தரி நீ, அனைவருக்கும் அடைவாய் இருப்பதும் நீயே, சக்தி சொரூபத்தில் அசைவாய் இருப்பது நீ, சிவ சொரூபத்தில் அசைவில்லா விசையாய் இருப்பதும் நீ, அண்டங்களில் இயங்குகின்ற ஒழுங்கு நீ, அனைவரையும் வழி நடத்தும் உள்ளுணர்வு நீ, அதைக் கடந்த மூலமும் நீயே, உயர்வு என்ற கருத்தும் நீதான், இது பொருட்டல்ல என்ற துச்சமாய் பிறர் (தவறாக) எண்ணும் கருத்தும் நீயே தான் , அனைத்து உயிருக்கும் உரு அளிக்கும் ஜகன் மாதாவான உமை நீ தான், ஞானக் கொழுந்தாகத் தோன்றும் பிள்ளையாரும் நீ தான், ஞானப் பழமாகத் தோன்றும் சரவணனும் நீயே தான், மூன்று குணங்களும் கடந்த ஆதி நீ தான், உன்னையே நாங்கள் நாள் தோறும் விரும்பித் தொழ விருப்பம் எமக்கு அருள்வாய் !

You are the little girl, the maiden and the mother ( Bala, TharuNee and Lalitha), you are the summer winter and rainy seasons, you are the nectar which removes our pressing Karmas oh Trupura Sundari, you are the final salve, you are the dynamic principle in your Shakthi swaroopa and the static principle in your Shiva swaroopa, you are the intelligence by which all universes function, you are the guiding force as our inner mind voice, and you are also the primal seed above and beyond that, both high and low ( according to our perception) are but your manifestations, you are the mother Uma of all living beings who grants us form, you only appear as Vinayaka and Karthikeya and you are beyond the Gunas oh primordial mother, grant us the wish to always fall at your feet and pray with joy!