ஈசனுதற் தேசவிழி வீசுபொறி ஆசுகனும்
காசினியில் மாசறுக்கும் ஆசுநதி வாசஞ்செய வீசிடவே
தேசுடைய பீசமதும் சேயுருவம் ஆறெடுத்துப்
பாசமுள ஆறனையர் அன்பதற்குப் பாத்திரமாய் வீற்றிருந்த
நேசமுடைப் பாசுபதன் பாகமொரு வாசஞ்செயும்
தேசுமிகு மாசுனையள் ஆறுருவும் ஓருருவாய் ஆக்கியதால்
மோசஞ்செயும் தானவரின் காலயெலை ஞாலமதில்
தீருமென வானவரும் மானவரும் பூரிப்பில் ஆழ்ந்தனரே
9 சீர் ஆசிரிய விருத்தம்
ஆசுகன்= வாயு தேவன்
மாசறுக்கும் ஆசு நதி = கங்கை
மாசுனை= சரவணப் பொய்கை - பார்வதியின் அம்சம்
மாசுனையள் = பார்வதி
மானவர் = மானிடர்
பீசம் =வித்து
அயர்வுறுஞ் சீவற் கருள்தர வல்ல வுயர்வனை யின்றெண்ணி யுய்வோம் - துயருற்ற வாகாச வாசி யகங்கா வவதரித்த வைகா சிவிசாக வேந்து -வெண்பா
ஆகாச வாசி - விண்ணவர்
கருத்துகள் இல்லை:
கருத்துரையிடுக