ஆடு மயிலம ராறு முகன்றனை
நாடும் வரமெனக் கருள்வாயே
ஆதி சிவனுமை ஆரத் தழுவிய
சேயி னருள்பெறக் கடவேனோ
வீடு மறுபடை வீறு குமரனே
வேழ முகவிறைக் கிளையோனே
வீதி வலம்வர சூர னுடலற
வேலை விடவல கதிரேசா
தேடு மடியவர் தேனி னினிப்புகழ்
வேத இசைதனில் மகிழ்வோனே
தேவ பிடியுடன் வேட குறமகள்
சேவை தருவருள் முருகோனே
பாடு மடியவர் பாதை வகுத்திட
பாயை மடித்தவன் மருகோனே
பாவி தலையிலும் பாத துளியினைச்
சேர வழிகொடு பெருமாளே
'பாதி மதிநதி' திருப்புகழின் சந்தத்தை அடியொற்றி அமைந்தது
கருத்துகள் இல்லை:
கருத்துரையிடுக