பேயனை நஞ்சுண்டு பேறளித் தானைப் பிறங்குமதி
மாயனை மன்னு மதுரை யரசனை வானவர்க்குந்
தூயனை மன்றாடு மாக்கோவை ஈறிலாச் சோதியனை
வேயனை நாதனை மேதினிக் கோனைத் தொழுமனனே
கட்டளைக்கலித்துறை
பேயனை நஞ்சுண்டு பேறளித்தான் - பூதனையின் நஞ்சுண்டு அவட்கு பேறளித்தான்
மாயன் , (வட) மதுரை அரசன் வானவர்க்கும் தூயவன் மன்றாடும் ஆக்களுக்கு கோன் ஈறிலாச் சோதியன் ( விஸ்வரூபம்)
வேயன் - புல்லாங்குழல் இசைப்பவன் மேதினிக் கோன் - ஜகந்நாதன்
பேயன் - பித்தன் ஆலகால நஞ்சுண்டு அனைத்து உயிர்க்கும் பேறளித்தான் பிறங்கு மதிக்கும் மாயன் ( மனதிற்கு எட்டாதவன் ) மதுரை அரசனான சொக்கநாதர் . மன்றாடும் ( தில்லையில் ஆடும்) ஆக்கோ - பசுபதி ஈறிலாச் சோதியன் ( அண்ணாமலையார்) வேய் அ(ன்)னை நாதன் - வேயுறு தோளி பங்கன் மேதினிக் கோன் - விஸ்வநாதன்
கருத்துகள் இல்லை:
கருத்துரையிடுக