அபிராமி கட்டளைக் கலித்துறை

கூத்தாடுங் கோனிடக் கூறாளைக் கோழிக் கொடியுடையோ
னாத்தாளை யாழிவா ழாழியா னன்பிளை யந்தரியைக்
காத்தாளக் காருவா காணக் கனிநிலா காதணியை
யீத்தாளை யீடி லிறைவியை யேத்தாழ்ந் திசையிதுவே
 

#கட்டளைக்கலித்துறை

சீர் பிரித்து :-

கூத்து ஆடும் கோன் இடக் கூறாளைக் கோழிக் கொடி உடையோன்
ஆத்தாளை ஆழி வாழ் ஆழியான் அன்பு இளை அந்தரியைக்
காத்து ஆளக் காருவா காணக் கனி நிலா காது அணியை
ஈந்(த்)தாளை ஈடில் இறைவியை ஏத்து ஆழ்ந்து இசை இதுவே

 

பொருள் :-

ஆடல்வல்லான் இடப் பாகத்தவளை , கோழிக்கொடி கொண்ட முருகனின் அன்னையை, பால் ஆழிவாழ் நாராயணன் அன்பு தங்கையைக், (தனது பக்தரைக்) காத்தாள அமாவாசை தினம் முழு நிலா காணும் படி தனது காதணியை ஈந்த , ஈடில்லா இறைவியை ஏத்து அந்நிலையில் ஆழ்ந்து இதுவே இசையாம்