சேந்தா குமரா முருகா மலைவாழ்
வேந்தா விழிவேற் குறமாதின்
காந்தா சமரா புரிவா ழரசே
காரார் மயிலே றுமைபாலா
சூழ்ந்தா நிரையார் குழலான் மருகா
வாழ்ந்தா லுனையே வுயிராகச்
சார்ந்தா ருனதா ரடியா லடைவார்
தேர்ந்தா யுளொடா றுயர்வீடே
எழு சீர் விருத்தம்
சேந்தா குமரா முருகா மலை வாழ் வேந்தா விழி வேல் குற மாதின்
காந்தா சமராபுரி வாழ் அரசே
கார் ஆர் மயில் ஏறு உமை பாலா
சூழ்ந்து ஆனிரை ஆர் குழலான் மருகா வாழ்ந்தால் உனையே உயிராகச் சார்ந்தார் உனது ஆர் அடியால் அடைவார் தேர்ந்து ஆயுளொடு ஆறு உயர் வீடே
சேந்தா குமரா மலை வாழ் அரசே வேல் போன்ற விழியை உடைய வள்ளியம்மைக்கு நாதா , திருப்போரூர் வாழ் அரசே அழகிய கருமயிலை வாகனமாகக் கொண்ட உமை பாலனே ஆநிரை எப்போதும் சூழ்ந்து உள்ள அழகான புல்லாங்குழல் ஊதுபவனின் ( கண்ணனின் ) மருகனே, வாழ்ந்தால் உன்னையே உயிராக எண்ணி வாழும் அடியார்கள் , உனது அழகான திருவடியின் மகிமையால் தேர்ந்த ஆயுளும் அதன் பின்னர் வீடு பேறும் அடைவார்கள்!
கருத்துகள் இல்லை:
கருத்துரையிடுக