அறிதுயிலரியா விரிசடையிறையா
குறமகளிறையா குழலழகுமையா
வறுவழியுனதா வருவுருவகையா
சிறைபிணிவிடியா பிறைமதியழகா
சீர் பிரித்து
அறி துயில் அரியா விரி சடை இறையா
குறமகள் இறையா குழல் அழகு உமையா
அறு வழி உனது ஆ அரு உரு வகையா
சிறை பிணி விடி ஆ பிறை மதி அழகா
பொருள்
அறி துயில் கொள்ளும் அரி விரி சடை உடைய அரன்
குறமகள் கேள்வன் முருகன் குழல் அழகு பொருந்திய உமை
அனைவரும் நீ தானோ என்ற கேள்வியாகவும் அல்லது அதுவே
பதிலாகவும் கொள்ளலலாம் , அறு சமயம் உனது வழியோ?
அரு உரு நிலையும் நீ அன்றோ , அது எவ்வாறாயினும் , பிணியில்
சிறைப்பட்டுத் தவிக்கும் உயிர்களை , விடிவிப்பாயாக பிறை மதி அழகா/ இறைவா !
கருத்துகள் இல்லை:
கருத்துரையிடுக