ஓர்மலை மத்தாக்கி யொள்ளரவ நாணாக்கி
யார்க்கடலை யன்று கடைந்தகணங் - கூர்மமாய்
நின்றானைக் கூர்ந்திடுவாய் நெஞ்சே யருமாயை
யொன்றானை யோங்குகரஞ் சேர்த்து
ஓர் மலை மத்து ஆக்கி ஒள் அரவம் நாண் ஆக்கி
ஆர்க் கடலை அன்று கடைந்த கணம் - கூர்மமாய்
நின்றானைக் கூர்ந்திடுவாய் நெஞ்சே அரு மாயை
ஒன்றானை ஓங்கு கரம் சேர்த்து
ஓர் மலை - மேரு மலை , ஒள் அரவம் - வாசுகி
மாயை தான் உருவாக்கும் சக்தி என்பதால் அதில் திருமால் ஒன்ற மாட்டான்
அன்று பாற் கடலைக் கடைந்த போது ஆமையாய்த் தாங்கிய அரு மாயையில் ஒன்றாத திருமாலைக் கூர்ந்து நெஞ்சில் நிறுத்திக் கையைச் சேர்த்து உயர்த்தி வணங்கிடுவாய்
கருத்துகள் இல்லை:
கருத்துரையிடுக