சடைமீது (செவ்வாயிற் செவ்வேள் பாவை)

சடைமீது கூன்மதியுஞ் சானவியுஞ் சூடு
மடமா திடப்புற மேந்தியருள் வெண்ணார்
விடைமீது வீற்றருளு நாதன் விரும்பிப்
படைவீடா மேரகந் தன்னிற் பகரத்
தொடைமீ திருந்த புதல்வனைத் தோளின்
மடைமீ தமர்த்தி மவுனகுரு கேட்ட
கொடையாது செப்பு குமரகுரு நாங்கள்
கடைதேற வன்பாய்க் கனிந்தேலோ ரெம்பாவாய்

சீர் பிரித்து

சடை மீது கூன் மதியும் சானவியும் சூடு 

மட மாது இடப் புறம் ஏந்தி அருள் வெண் ஆர் 

விடை மீது வீற்று அருளும் நாதன் விரும்பிப் 

படை வீடாம் ஏரகம் தன்னில் பகரத்

தொடை மீது இருந்த புதல்வனைத் தோளின் 

மடை மீது அமர்த்தி மவுன குரு கேட்ட

கொடை யாது செப்பு குமர குரு நாங்கள்

கடை தேற அன்பாய்க் கனிந்து ஏலோர் எம்பாவாய் 

 பொருள்

தனது சடை மீதுபிறை மதியும் கங்கை நதியும் சூடும், மடமாதானச் சத்தி தேவியைத் தனது இடப்பாகத்தில் ஏந்திக் கொண்டிருக்கும் வெண்மை நிறத்துடைய அழகான விடை வாகனத்தில் வீற்று அருளும் நாதன், மவுன குருவான சிவபெருமான், படைவீடான திருவேரகம் என்னும் தலத்தில் தனது தொடையில் அமர்ந்த புதல்வனான உன்னைத் தனது தோள் என்னும் மடையில் ஏற்றி விரும்பிப் பகரச் சொன்ன பிரணவப் பொருள் என்னும் கொடை யாது? இதை நீ எங்களிடம் கடைத் தேறுவதற்காக அருள்வாயாக குமர குருவே !

He, who wears the moon and Ganges on his matted locks, holds Godess Shakti on his left side, and one who has the beautiful white bull as his means of travel and blesses people, that Lord Shiva, the Guru of silence, in the abode called Swami Malai , placed his kid (you) who were sitting on his lap onto his shoulder to ask you the meaning of Pranava oh Kumara Guru! Please tell us also what you told him so that we can attain our final salvation!