முருகா கலி விருத்தம்

முருகா குமரா குகனென் றழைவார்க்
கிருதா ளலர்சே ரிசைவைத் தருமே
பருகா துனையே பழுதைம் புலனே
னுருகா துணர்வாழ்ந் துளதே னுளமே

 

 சீர் பிரித்து

 

முருகா குமரா குகன் என்று அழைவார்க்கு 

இரு தாள் அலர் சேர் இசைவைத் தருமே 

பருகாது உனையே பழுது  ஐம் புலன் ஏன்

உருகாது உணர்வு ஆழ்ந்து உ(ள்)ளது ஏன் உ(ள்)ளமே ? 

முருகா குமரா குகன் என்ற மந்திர நாமங்களால் அழைக்க அது முருகனின் தாமரைத் திருவடிகளைச் சேரும் இசைவையே தரும் போது , எனது பழுதான ஐம்புலன்கள் ஏன் உன்னைப் பருக மறுக்கின்றது? அதே போன்று எனது உள்ளமும் உன்னையே உணர்வில் ஆழ்ந்து உருகாமல் ஏன் இருக்கின்றது ?

 

For those who chant the names Muruga Kumara and Guha, they are powerful enough to grant us the lotus feet of the Lord, yet my faulty five senses and mind dont immerse in love at the thought of you oh Lord, why is this? 

 

இப்பாடல் கந்தரநுபூதியை யொத்த சந்தத்தி லமையபெற்றது