மூன்றினங்கள் கொண்டநாம முருகநாம மென்பது
மூன்றுநான்கு கரமுடைத்த னுயிரெழுத்தை யொக்கவே
மூன்றிரண்டு முகங்கள்சேர மெய்யெழுத்துந் தோன்றிட
மூன்றுபுள்ளி யாய்தமாக தமிழுடைத்த வேலனே
மூன்று இனங்கள் கொண்ட நாமம் முருக நாமம் என்பது
மூன்று நான்கு கரம் உடைத்தன் உயிர் எழுத்தை ஒக்கவே
மூன்று இரண்டு முகங்கள் சேர மெய் எழுத்தும் தோன்றிட
மூன்று புள்ளி ஆய்தமாக தமிழ் உடைத்த வேலனே
முருக என்ற நாமம் மெல்லினம் இடையினம் வல்லினம் ஆகிய முவ்வினங்களையும் தன்னுளே அடக்கியது, பன்னிரண்டு கரமும் உயிரெழுத்தின் உருவகம், அதனுடன் ஆறு முகங்களைச் சேர்த்தால் மெய்யெழுத்தின் உருவகம் ஆகும், அவன் கையில் உள்ள வேலாயுதம், முப்பாற்புள்ளியான ஆய்த எழுத்தின் உருவகம், ஆகையால் அவன் என்றும் தமிழை உடைமையாகக் கொண்டவன்!
கருத்துகள் இல்லை:
கருத்துரையிடுக