மெய்ம்மறந்து மெய்ம்மனுன்றன் மெய்யுகந்து கோவிலில்
பொய்ம்மறைந்து பூசைசெய்யும் போகமேக போகமே
உய்ம்மினென்று ளங்கவர்ந்து யிர்த்தெழுந்த மூர்த்திநீ
வைம்மலர்ந்து வாழவைக்கும் வளசரத்தின் வேலனே
கலிவிருத்தம்
மெய் மறந்து மெய்ம்மன் உன்றன் மெய் உகந்து கோவிலில்
பொய் மறைந்து பூசை செய்யும் போகம் ஏக போகமே
உய்மின் என்று உளம் கவர்ந்து உயிர்த்து எழுந்த மூர்த்தி நீ
வை மலர்ந்து வாழ வைக்கும் வளசரத்தின் வேலனே
பக்தர்கள் மெய்ம்மறந்து உண்மைப் பொருளான உன் மேனியை உகந்து
உள்ளத்தில் இருக்கும் பொய்கள் எல்லாம் மறைந்து பூசை செய்யும் இன்பமே ஒரு தனி இன்பமாம்!
அவ்வாறு பக்தர்கள் உய்ய அவர்கள் உள்ளம் கவரும் படியாக உயிர்த்து எழும் மூர்த்தியான நீ
இவ்வுலகம் மலர்ந்து வாழ வைப்பதற்கன்றோ வளசரவாக்கத்தின் இக்கோவிலில் தங்கி உள்ளாய் வேலனே
கருத்துகள் இல்லை:
கருத்துரையிடுக