மாடெடுத்து மரமெறிந்து கனியுதிர்த்த தன்றியுங்
கோடெடுத்து மாரிகாத்த குடைபிடித்து மாக்கள்வா
ணாடிழந்த வன்பரன்பு தூதனான மாயவன்
றேடிவந்து பத்தரின்ன றீர்த்துவுப்ப னையமே
#கலிவிருத்தம்
சீர் பிரித்து
மாடு எடுத்து மரம் எறிந்து கனி உதிர்த்தது அன்றியும்
கோடு எடுத்து மாரி காத்த குடை பிடித்து மாக்கள் வாழ்
நாடு இழந்த அன்பர் அன்பு தூதனான மாயவன்
தேடி வந்து பத்தர் இன்னல் தீர்த்து உவப்பன் ஐயமே
கன்று குணிலா எறிந்து கனி உதிர்த்தான் , அது மட்டுமன்றி
விருந்தாவன உயிர்களெல்லாம் வாழும் பொருட்டு மழைக்காக்க மலையைக் குடையாய் பிடித்தான்,
நாடிழந்த பாண்டவர்களுக்குத் தூதனாய் சென்றான் கண்ணன் , அவன் தேடி வந்து பத்தர் இன்னல்களைத்
தீர்த்து வைப்பதை விரும்பிச் செய்வான், இதில் ஐயம் ஏதும் உள்ளதோ?
தேடி வந்து பத்தர் இன்னல் தீர்த்து உவப்பன் ஐயமே
கருத்துகள் இல்லை:
கருத்துரையிடுக