வேடனை வாழ்த்து கட்டளைக் கலித்துறை

வேடனை வாழ்த்து விரும்பிள வள்ளி யடைவிருத்த
வேடனை வாழ்த்து சிவாச்சா ரியார்க்காத்த வீரசோழ
வேடனை வாழ்த்து வினைதீர்த் துடனருள் வேலுடைச்செவ்
வேடனை வாழ்த்து விரையார் தமிழான் மிறைக்கவியே
#கட்டளைக்கலித்துறை

 

 

வேடனை வாழ்த்து விரும்பு இள வள்ளி அடை விருத்த
வேடனை வாழ்த்து சிவாச்சாரியார்க் காத்த வீர சோழ
ஏடனை வாழ்த்து வினை தீர்த்து உடன் அருள் வேல் உடைச் செவ்வேள்
தனை வாழ்த்து விரை ஆர் தமிழால் மிறைக்கவியே

வேடனாகவும், தான் விரும்பும் வள்ளியை அடைய வயதானவர் போல் வேடமிட்டும் , தனது அடியரான கச்சியப்ப சிவாச்சாரியார் கந்த புராண நூலை அரங்கேற்றஞ் செய்த போது வீரசோழியம் என்னும் நூலை (ஏட்டை) எடுத்து வந்து காத்தவனும் , பக்தர்களின் வினையை உடன் தீர்த்து அருளும் வேலாயுதத்தை உடைய செவ்வேள் தனைமணம் கமழும் தமிழால் சித்திரக் கவி (மிறைக்கவி) சமர்ப்பித்து வாழ்த்துவோமாக !