ஏழ்கடன் மணலை யெண்ணு
மேதமாங் கட்சித் தேர்வு
பாழ்கடன் மூழ்கும் வாழ்வு பாவிக ணாட்டை யாள
ஆழ்கட னஞ்சாய் நின்ற
தறிவிலா மக்க ளாட்சி
சூழ்கடல் பார்தா னுய்யத்
துளிருமோ செங்கோ லாறே
கட்சி தேர்வு ஏழ்கடல் மணலை எண்ணும் ஏதமாம் - மக்களாட்சியில் ஒரு நல்ல கட்சியைத் தேர்வு செய்வது என்பது ஏழ் கடல்களில் உள்ள மணல்களை எண்ணும் குற்றம் போல் போக்கற்ற செயல்
பாவிகள் நாட்டை ஆள - நாம் தேர்வு செய்யும் பாவிகள் நாட்டை ஆள
பாழ் கடல் மூழ்கும் வாழ்வு - நம் வாழ்வானது பாழும் கடலில் மூழ்கும்
அறிவிலா மக்கள் ஆட்சி - அறிவிற்கு ஒவ்வாது இம் மக்களாட்சி என்னும் தத்துவம்
ஆழ்கடல் நஞ்சாய் நின்றது - ஏதோ ஒரு புதிய தத்துவம் தேடப் போய்ப் பின்பு ஆழ்கடலின் கண் தோன்றும் நஞ்சாய் நம் சமூகத்தில் நின்று விட்டது
கடல் சூழ் பார் உய்ய - கடலால் சூழப் பட்ட உலகம் உய்ய
துளிருமோ செங்கோல் ஆறு - மீண்டும் செங்கோல் மன்னர்கள் வழி பிறக்குமோ ?
கருத்துகள் இல்லை:
கருத்துரையிடுக