விழிதருங் காத லின்ப மிடிமுன்வரு மின்ன லென்ன
மொழிதருங் காத லின்பு சுவைமுன்வரும் வாச மென்ன
கெழுதருங் காத லின்பு கிணற்றூறுநந் நீரின் வண்ண
முழுதருங் காத லன்பை யுணராதவர் மூட ரன்றே
விழி தரும் காதல் இன்பம் - விழியால் பார்த்து அனுபவிக்கக் கூடிய காதலின் இன்பமானது
இடி முன் வரும் மின்னல் என்ன - இடிக்கு முன் ஒளிரும் மின்னலைப் போன்றது
மொழி தரும் காதல் இன்பு - இனிமையான மொழியால் வரும் காதல் இன்பமென்பது
சுவை முன் வரும் வாசம் என்ன - ஒரு சுவையான பொருளைச் சுவைக்கும் முன்னர் நம்மை அடையும் அதனது வாசம் போன்று
கெழு தரும் காதல் இன்பு - போகப் போக வளமை தரும் காதல் இன்பமானது
கிணற்று ஊறும் நந்நீரின் வண்ணம் - கிணற்றில் தன்னை என்றும் புதிப்பித்துக் கொண்டே இருக்கும் நல்ல நீரைப் போன்றது
முழு தரும் காதல் அன்பை - முழுமை தரும் காதல் என்னும் அன்பின் வடிவை
உணராதவர் மூடர் அன்றே - உணராமல் தன் வாழ்வைக் கடத்துவார் மூடர் ஆவார் அன்றோ?
கருத்துகள் இல்லை:
கருத்துரையிடுக