கடற்றுயின்ற மாதவா கடற்கடைந்த தெங்ஙனே
குடற்களைந்த சிங்கமாய் குதித்துவந்த தெங்ஙனே
கடற்கடந்தி லங்கைவீ ழலர்க்கணைக ளெங்ஙனே
படைத்தகால நேமியாய் புலர்ந்தகால முன்னுளே
கலி விருத்தம்
சீர் பிரித்து
கடல் துயின்ற மாதவா கடல் கடைந்தது எங்ஙனே
குடல் களைந்த சிங்கமாய் குதித்து வந்தது எங்ஙனே
கடல் கடந்து இலங்கை வீழ் அலர்க் கணைகள் எங்ஙனே
படைத்த காலம் நேமியாய் புலர்ந்த காலம் உன் உள்ளே
பொருள்
பாற்கடலில் துயில்கின்ற மாதவா நீ கடலைக் கடைந்து எத்திறம்
இரணியனின் குடலைக் களைந்து மாலையாய் அணிய தூணிலிருந்து குதித்த சிங்கமானது எவ்வாறு
கடல் கடந்து இலங்கை வீழ மலர்போன்று கணைகளைத் தொடுத்தாயே அது எங்ஙனம்
நான்முகனைப் படைத்தவன் நீ தான் என்பதனால் , மூலப் படைப்பாளி நீ தான் , அதனால் சக்கரதாரியான நீ தான் காலத்தையும் படைத்ததால் அக்காலமும் உன்னுள் அடங்குமன்றோ
கருத்துகள் இல்லை:
கருத்துரையிடுக