சாற்றமுதுஞ் சோறுங் கறியமுதுஞ் சார்ந்திருப்பார்
மாற்றமுதைக் கொள்வரோ வாய்ப்பிருந்து - மேற்றமிகு
தாய்மொழியின் மேன்மைநிலை தாந்தெளிய வேற்றவரின்
வாய்மொழிசொல் சார்வதுமென் மாண்பு
சாற்றமுதும் சோறும் கறியமுதும் சார்ந்து இருப்பார் - தமக்குப் பொருந்திய உணவான சாற்றமுது(இரசம்) சோறு கறியமுது ஆகியவற்றைச் சார்ந்திருப்பார்கள்
வாய்ப்பு இருந்தும் மாற்று அமுதை கொள்வரோ - வாய்ப்புக் கிட்டினும் வேறுணவை உண்வரோ (இல்லை என்பதாம்)
அவ்வாறே
ஏற்றம் மிகு தாய்மொழியின் மேன்மை நிலை தாம் தெளிய - ஏற்றம் மிக்க தாய்மொழியான (தமிழின்) மேன்மை நிலை தாம் தெளிந்த பின்னும்
வேற்றவரின் வாழ் மொழி சொல் சார்வதும் என் மாண்பு - பிறரின் மொழியைச் சார்ந்திருப்பது எவ்வகையான மாண்பாகும்?
தாய்த்தமிழைப் பயின்று காப்பீர் என்பது கருத்து
கருத்துகள் இல்லை:
கருத்துரையிடுக