மூவாறு கண்களு முத்தமிழ் மெய்யாக
மூவிரு தோள்களு முந்து தமிழுயிராய்ச்
சேவன் மயில்வேற் சிவமைந்தன் சேவைதர
மேவுவினை யாகாதோ வீண்
முத்தமிழ் மெய் ஆக - முத்தமிழ் மொழியின் மெய் எழுத்தின் குறியீடாக விளங்கும்
மூ ஆறு கண்களும் - 18 கண்களும்
முந்து தமிழ் உயிராய் - முந்து தமிழி மொழியின் உயிர் எழுத்தின் குறியாக
மூ இரு தோள்களும் - 12 தோள்களும்
சேவல் மயில் வேல் சிவமைந்தன் சேவை தர - சேவலும் மயிலும் வேற்படையும் உடன்வைத்துள்ள படி சிவமைந்தன் பத்தர்களுக்குச் சேவை சாதிக்க
மேவு வினை வீண் ஆகாதோ - பத்தர்களை வருத்தும் சூழும் வினைகள் யாவும் வீணாகப் போகாதோ? உறுதியாகப் போகும் என்பதாம்
கருத்துகள் இல்லை:
கருத்துரையிடுக