பண்ணையுண்டு விருத்தம்

 பண்ணையுண்டு செய்துபாரி னின்பமென்றும் பல்கிட

வெண்ணெயுண்ட வாயனூது வேய்ங்குழல் லிசைத்திடப்

பெண்ணையண்டு காதனோயி னாய்ச்சியர் ரயர்ந்திட

மண்ணையுண்ட வாயனண்டங் காட்டுமூர்நன் மதுரையே

செவ்வாயிற் செவ்வேள் விருத்தம்

 மூன்று பத்து மூன்று கோடி தேவர் மூவர் மாந்தரும்

ஞான்று தொட்ட ஞானம் வேண்டி நாளு மேத்தும் நின்கழல்

சான்று செப்ப நிகரி லாத செம்மை பெற்ற மேன்மையை

மூன்று பத்து மூன்று மோசை மொழியு ரைத்த லாகுமே

ஆனை போன்ற விருத்தம்

ஆனைபோன்ற வாணவத்தை வீண்சுமக்கு மானிடா

பூனைபோன்று நிலையுனக்கு வாய்த்திருப்ப தறிவையோ

ஞானமே லெழுந்துநிற்க நானழிந்த முத்தியாய்க்

கூனொழிந்த கொற்றனாக மாறுமாறு காண்மினே

தாமோதரா கட்டளைக்கலித்துறை

காமத் தடைவுங் கலைஞானத் தாதியுங் கன்னலிசை 

சாமத் தடைவுஞ் சமயம் பலநூறு சான்றுரைக்கு

நேமத் தடைவு நிலைஞாலத் தாதியு நீளமிலாத்

தாமத் தடைவு ததிவிரும் பாயன் றனிமுதலே 

நண்பர்கள் பெயர்களைக் கொண்டொரு குறள் வெண்பா

கார்த்திகை மாதீபங் காணத் தரமேசு

மார்த்தி மதமீறா கொங்கு 

ஆயிரத்துன் சந்த விருத்தம் (செவ்வாயிற் செவ்வேள்)

ஆயிரத்துன் பெயர்களுண்டு அமுதமான மொழிதனில்

தூயிடத்தில் சேர்க்கவல்ல மேன்மையுள்ள முழுமையாம்

வாயடைத்து நின்றபோதும் மனமுரைக்கும் மந்திரம்

நாயினேற்குங் கவிபடிக்க ஞானமீந்த முருகனே

வீணாம் வினைதேகம் விருத்தம்

வீணாம் வினைதேகங் காலா விதியாமுன்

நாணாக் கடையேனு ஞானம் பெறுவேனோ

தூணா யடியார்முன் காட்சித் தருபாலா 

சோணா சலவாசா சோதிப் பெருமாளே