மாரனை நாடாது வாலிபம் வேறேது
மாதுளம் காணாது மானுட வாழ்வேது அதுபோலே
சூரனை போரூடு சூடிய வேலோனை
தூமலர் தாளோனை தாரணி மார்போனை மனதாலே
காருமை பாலோனை கார்த்திகை மேலோனை
காதலில் சேராமல் கானகம் போவேனோ ஒருநாளே
பாரலை ஓயாத பாதகம் நேராத
சீரலை வாயாளும் வானவர் கோமானின் மருகோனே
1.
முப்புரி மாற்று முழுமதி நாளில் மனமுருகி முப்புரஞ் செற்ற முழுமுதற் கேள்வன் உளநிறுத்தி அப்பணி நாத னழகுக் குமர னடிதொழுதே ஒப்பிலி பத்தி யுருகொளச் செய்வா யுளத்தினிலே
ஆறுமுக வாதி குருநேரில் தடுத்தாள ஆலயத்தின் மேலு யரகீழுங் குதித்தாயே வேறுலக பாடு திறனேரி லளித்தானே வேலவனை ஓது மனநாளும் பணித்தானே நூறுகவி வானு லகிலாரு முனைப்போலே நுட்பமிகு நாலு கவிபாட முனைவாரோ மாறுமன தாம ழியவாராய் குருநாதா மாணவனு வேல வனையேத்த வகைதாநீ
ஏது மற்றவர் ஏழை எளியவர்
ஏற்றம் பெற்றிட ஏத மற்றுற வழியாக
ஈரி லற்றவர் ஏக சொற்றவர்
வேத வுத்தமர் மேக வொத்தவர் நிறநாதா
மாதை யற்றதோ ரூறை யற்றுற
ஆழி சூழ்திரு நாட்டின் கொற்றவன் தலைவீழ
வாதிற் செற்றுடன் மாதை மீட்டவி
ராம சந்திர ராஜ தத்துவ புருஷோனே
ஆரூ ரழகனை யாட்கொண் டருளிய
ஆரூ ரழக னனல்மகனே - போரூ
ருறையு மழக னுனைத்தொழ வூழின்
முறைமை யமைந்த துவப்பு
வாரண மாயிரம் வடிவா யமைத்து நாரண னம்பியி னற்கரம் பிடித்து ஆரண மனைத்து மடங்கு விதமாய் ஏரணந் தவறா இறைவி பகர்ந்தாள் -கலி விருத்தம்
ஈசனுதற் தேசவிழி வீசுபொறி ஆசுகனும்
காசினியில் மாசறுக்கும் ஆசுநதி வாசஞ்செய வீசிடவே
தேசுடைய பீசமதும் சேயுருவம் ஆறெடுத்துப்
பாசமுள ஆறனையர் அன்பதற்குப் பாத்திரமாய் வீற்றிருந்த
நேசமுடைப் பாசுபதன் பாகமொரு வாசஞ்செயும்
தேசுமிகு மாசுனையள் ஆறுருவும் ஓருருவாய் ஆக்கியதால்
மோசஞ்செயும் தானவரின் காலயெலை ஞாலமதில்
தீருமென வானவரும் மானவரும் பூரிப்பில் ஆழ்ந்தனரே
9 சீர் ஆசிரிய விருத்தம்
ஆசுகன்= வாயு தேவன்
மாசறுக்கும் ஆசு நதி = கங்கை
மாசுனை= சரவணப் பொய்கை - பார்வதியின் அம்சம்
மாசுனையள் = பார்வதி
மானவர் = மானிடர்
பீசம் =வித்து
எழிலமுதா சித்தர்தலைவா வெம்மீசா விணையிலதோர் வேலேந்து போர்வீரா குழலினிதே மணம்வீசு மலைமகளின் குணபாலா மயிலேறு குகநேயா வழுவறி...
