வல்லானை கொன்றானை

 

வல்லானை கொன்றானை மாற்றாரை மாற்றழிக்க

வல்லானை நன்றேத்த நில்லாமல் - வில்லானின்

கல்லாமை நீக்கிநின்று காத்தானைப் பாற்கடலிற்

கல்லாமை யென்றன்று நின்றானை - நல்லார்க்கு

நல்லானைக் குட்டத்துள் பொல்லா முதலைபிடி

நல்லானை காத்தானை நன்முனிவ னில்லாளைக்

கல்லாளைப் பாதத்தாற் காத்தானைச் சொல்லாத

கல்லாரைக் காணாவே கண்

#வெண்பா 

 

சொன்ன வண்ணம் செய்த பெருமாள்

 

மன்னனென்ற வெண்ணமோங்கி யன்பரைய தட்டவே

இன்னதென்று பத்தனுன்னை யிட்டமாயி யம்பிட

சொன்னவண்ண மன்றுசெய்த சுந்தராசு தந்திரா

மன்னிநின்று கச்சிகாக்கு மந்திலாத வள்ளலே

#கலிவிருத்தம்

 

ஜயன் / சிசுபாலன்

 

கோதை ஏகபாதம்

 

கோதை யளித்திடு மாலை யுவந்தான் குணமொழிந்தே

கோதை யளித்திடு மாலை யுவந்தான் குணமொழிந்தே

கோதை யளித்திடு மாலை யுவந்தான் குணமொழிந்தே

கோதை யளித்திடு மாலை யுவந்தான் குணமொழிந்தே

#கட்டளைக்கலித்துறை #ஏகபாதம்

சிசுபால வதம்

 

நூறுமுறை யேசிடவே நூறநின்றான் கண்ணனிடம்

வேறுகதி இல்லாமல் பூவுலகம் வந்தவனும்

கூறுசெயுஞ் சக்கரமும் கோனவனி னளியன்றோ

மாறுநிலை யேதுமிலா வைகுந்த மடைவதற்கே

#கலிவிருத்தம்

நடராஜர் சிந்து

ஆடவல்லா னாட்டமன்றோ அகிலமெல்லாங் காத்துநிற்கும் - அவனைத் தேடவல்லார் தேர்ந்தெடுத்த செகத்துரையுஞ் செப்புரையை நாடவல்லார் நாட்டமுற்று நலம்பெறுவர் வாழ்வதனில் - இதைப் பாடவல்லார் பேறுபெற்றார் பணிமதியான் பதம்பணிந்தே

 #சிந்து

கந்தர் சந்த வெண்பா

 சொந்தமென பந்தமென எந்தைகுக கந்தனையே புந்திநிறை சிந்தையுற முந்திவரும் - சந்தமுறை செந்தமிழி னந்திமக வந்தனைக ளிந்தமுது விந்தையுற சந்ததமு நன்று