செவ்வேள் விருத்தம்

 

 

ஆடு மயிலம ராறு முகன்றனை
நாடும் வரமெனக்                                    கருள்வாயே              

ஆதி சிவனுமை ஆரத் தழுவிய
சேயி னருள்பெறக்                                   கடவேனோ

 

மடக்கு வெண்பா

பாரமர பாரமற பாதையுற பாமரர்கள் பாரமற பாராளும் பாங்குறவே - பாராளும் பாரமரர் பாரதப் பாரமரில் பாரமறப் பாரமர பாருதித்தாய்ப் பார்த்து

சிலேடை கலிப்பா

இருமடந்தை இணைந்திருக்க இலங்கொளியாய் நிற்பவன் திருமலையி லெழுந்தருளுந் திருவடியார் தற்பரன் செருவிருந்து செகுத்தெறிந்து செகந்தனையும் காப்பவன் அருமருந்து அலையமர்ந்த அமரர்குல வேந்தனே -தரவு கொச்சகக் #கலிப்பா 

கந்தர் சஷ்டி 2023

காப்பு :-  

முகமா றுடையான் நுதற்கண் புதல்வன் முருகுருவ முகமா றுடையான் மொழியான் மொழிய உளத்தமர்ந்து முகமா றுடையான் முதற்கண் தொழுது வினையகற்றி முகமா றுடையான் மருகன் புகழை உரமளியே

ஏகபாதம்

மலைவில்லா வாழி மதிகதி ராம வனிப்பதிக்கே
மலைவில்லா வாழி மதிகதி ராம வனிப்பதிக்கே
மலைவில்லா வாழி மதிகதி ராம வனிப்பதிக்கே
மலைவில்லா வாழி மதிகதி ராம வனிப்பதிக்கே

  கட்டளைக்கலித்துறை ஏகபாதம்

சரஸ்வதி பூஜை

 

வெண்கமலத் தாசனமும் வினையறுக்குந் திருவடியும்

தண்டெனவே காலிரண்டுந் தாங்கிடுமாந் துடியிடையைப்

பண்ணிசைக்கும் யாழுடைய படைத்தருளு மிருகரமும்

விண்டொழுகு மாயகலை யேடுசெப மாலையுடைத்

தொண்டரரு ளிருகரமுஞ் சுந்தரமா மணியணியும்

வண்முலையு மறிவளிக்கும் வேயுறுவா மிருதோளும்

கண்ணமுதாம் விழியிரண்டுங் கருணைசெயக் காத்திருக்கத்

திண்ணநமக் கருடருவாட் டிசைமுகர்தந் தலைவியுமே

பரதன் இராமரிடம் பாதுகை பெற்றபோது சொல்வதாக

பரதனாள தரணியாவும் விரதமாள புனிதனைப்
    பணியுமாறு மணியமான பரிவலாத வனையென
வரதனாரு வனமுமேவ கரடுமேடு பாதையின்
    மலரதான பதமுநோவ வரசதாள பாதுகை
மரமதாக மருவிமேவு மசைவிலாத வகமுள
    மதியிலாத விதிசொலாலே மனதுவேக வுயிரினை
இரதனாரு மகலுமாறு விதியிராத வேழையா
    யிசையிலாத நடனமாக விழிவதானே னானுமே
-எண்சீர் ஆசிரிய விருத்தம்