குன்றக் குடியுறைக் கோமானை விருத்தம் (செவ்வாயிற் செவ்வேள்)

 குன்றக் குடியுறைக் கோமானைக்

குன்றங் குடியமர் தூமானை

வென்றித் திகழுரு வேலானை வஞ்சிக் கொடியணை மயிலானைப்

பன்றிப் புகழுரு பார்வேந்தற் கென்றும் மகிழ்தரு மிளையானை

ஒன்றிக் கரமுய ருளமேத்தல் ஒன்றே வரமென உணர்வோமே

மார்கழி-5

 வடமதுரை மைந்தன் வனசையவண் மன்னன்

மடமயில்க ணாடு மனங்கவர் கள்வன்

குடமெடுத் தேறிவிட்டுக் கூத்தாட வல்லன்

படமெடுத் தாடு பணிநடிக்குஞ் செல்வன்

விடமொழித்து வீடு விரைவளிக்கு நாதன்

அடைவதற் காற்றை யகமொழிந்த பாவை

கொடையறிந்து கொண்டார் குவலயத்தை யாள்வார்

படையெதற்குப் பாரிற் பகரேலோ ரெம்பாவாய் 

மார்கழி-4

 இந்திரனி னாணவத்தை யேற்றிமலை மாய்ப்பானைத்

தந்திரங்கள் செய்தமரிற் சார்வாரைக் காப்பானை 

மந்திரங்கொண் மாமுனிவர் வாஞ்சையகம் வாழ்வானைச்

சுந்தரிக ணாட்டமுறுந் தூயமுனைப் பாலகனை 

யந்தரித மூத்தானை யண்டமெலாங் காப்பானைச் 

சொந்தமெனச் சேர்வாளைத் தொல்புதுவை நாட்டாளைச்

சந்தமுடன் சங்கத் தமிழ்மாலை தந்தாளை 

வந்தனைகள் செய்து வணங்கேலோ ரெம்பாவாய் 

மார்கழி-3

 திருபடர்ந்த வாழ்வுந் திகைக்கவைக்கும் பாங்காய்

இருமடங்கு கிட்ட இனம்வளர்ந் தோங்கத்

தருகடந்த வள்ளல் தரவெமக்குப் பாங்காய்

உருவெடுத்து வந்தான் உலகளந்த நாதன்

இருளகற்ற வாழ்வில் இசைவடித்த பாவை

தெருளகத்துக் கொள்ளத் தினமருந்தி யுள்ள

அருணமக்கு வாய்த்த அருமையான மாதம்

குருவுணர்த்தப் பெற்றார் கொடையேலோ ரெம்பாவாய்

மார்கழி 2

வேண்டா வினைவகை வீணென தேறிபின்

சீண்டா வகையவை தீயா லெரிமூட்டு

பாண்டவர் போர்வெல்ல பார்ப்பார நீங்கிட

வாண்டவன் மாந்தனா யன்றுவந்து தேர்கடவி

மீண்டுவர மாயையின் மேன்மையுரை போரூடே

மாண்டவர் மாய்ப்பவர் மாயனே யென்றுரைப்பான்

யாண்டுமவ னாறிலக்கா யேற்றமொழி பாவையுரை

யாண்டாளின் பாவை யருந்தேலோ ரெம்பாவாய்

மார்கழிப் பாவை

 மார்கழி மாத மழையொ டலர்ந்தது 

கார்முகில் வண்ணன் கருணை பொழிந்தது 

நேர்நிக ரில்லா நிமலன் பெயர்சொல்லித்

தேர்கரங் கொண்டரு டேவ னினைவுள்ளி 

வார்புன லாடி வடிவார் மகண்மார்பன் 

சார்வடி யாரொடு சேர்ந்து தொழுதெழச் 

சீர்கழன் மாதவன் சித்தந் தெளிவிப்பான் 

ஏர்கதிர் வந்தா னெழும்பேலோ ரெம்பாவாய்

பொருப்பரசன் வெண்பா

பொருப்பரசன் பேரா புனச்சிறுமான் கேள்வா

விருப்பரசி ஒன்றமைத்த வேலா - திருப்புகழின்

நாதா மருப்பொசித்த மாயன் மருகாவுன்

போதலர்த்தாள் போற்றப் பணி