ஏகபாதம்

 மாதா தனமுண்ணா மானேர் மறையா மாதா தனமுண்ணா மானேர் மறையா மாதா தனமுண்ணா மானேர் மறையா மாதா தனமுண்ணா மானேர் மறையா #கலிவிருத்தம் 

இரு வெண்பாக்கள்

 

சீதாரா மாமாயா சேயாய தாயாயா

தாதாமூ வாமூதா நீ

#குறள்வெண்பா 

மாலைமாற்று

 

மாவா தாழிகா காழிதா வாமா நீவா தூழிபாம் பாழிதூ வாநீ சாவா தேகவீ வீகதே வாசா மேவா தேதுபோம் போதுதே வாமே - கலிவிருத்தம்

 

மா வாது ( போர்- பாரதம்) அதில் ஆழியை ( சக்கராயுதம்) ஏந்திக் காத்தவனே எமக்கு உறுதி( காழி) தா அழகா ( வாமா) நீவாது ஊழி ( நீங்காது பல ஊழி வரினும்) பாம்புப் படுக்கையில் பாற்கடலில் (ஆழியில்) உள்ளத் தூயப் பாதை நீ ( தூ ஆ நீ )

 

சாவாது ஏக ( உனை ) ஈ ( எமக்கு அருள்க ) வீ கதே வாசா ( விரும்பத்தக்க உயர்ந்த கதியான வைகுண்டம் உறைவோனே) மேவாது ( உன்னுடன் பொருந்தாது) ஏது ( செல்வம் ) போம் ஏனென்றால் நீ போது தே ( பூ போன்ற இலக்குமியின் தேவன் ) வாமே ( அல்லவோ)

 

   

மாலைமாற்று

தான வகுல விநாசக சாகச நாவி லகுவன தா -வெண்பா

 

தானவ குல விநாசகனே , சாகசனே (முருகா) எனது பேச்சு லேசாகவும் அழகாகவும் செய்வாயாக "நா இலகு வன (அழகு) தா"

 

 

மாலைமாற்று

 கரும வசவா கலவி விலக வாசவ மருக வருக வருடா தொலைவ வலைதொ டாருவ கருவ மருத சைலவா சதப பதச வாலசை தரும வருதி யகதீ திறவ வறதி தீகய திருவ - அறுசீர்க் கழிநெடிலடி ஆசிரியவிருத்தம்

கரும வச ஆ கலவி விலக வாசவ மருக அருக அருள்தா தொலைவ வலைதொடு ஆருவ கருவ மருதசைல வாச தபபத சவால் அசை தரும வருதி அகதீ திறவ அறதி தீ கய திருவ 

கரும வினைகளால் ஏற்படும் பந்தங்கள் பாசங்கள் விலக வாசகன் மருகனான ( முருகா) அருக ( மிக அருகில் இருப்பவனே எமதகத்துள்) அருள் தருவாயாக தொலைவ( உன்னை உணராதோர்க்குத் தொலைவிலும் தொலைவானவனே) வலை தொடு ( சூழ்ச்சிகள் ஏவும் மாயைக்கும் ) ஆர் உவ கருவ

 ( உயர்ந்த களிப்பிலென்றும் திளைப்பவனே , கருவூலமாக இருப்பவனே) மருத மலை வாசனே தவசிகளுக் குயர்பதமாக விளங்குபவனே மனதில் எழும் வினாக்களுக்குப் பிரகாசமாக விளங்கும் தரும சொரூபனே வருவாயாக எமது அகத்தில் உள்ள தீமைகளை நன்று களைக ( திறவ அறதி) அக்கினியால் சரவணப் பொய்கையில் உதித்த மங்களகரமானவனே

 

   

மாலைமாற்று

வேழவா தாசிவா வாசிதா வாழவே காழிவா சேனையா யானைசே வாழிகா நாழிகா வாதவா வாதவா காழிநா தாழவே வேதமோ மோதவே வேழதா 

 கலிவிருத்தம் 

மாலைமாற்று

 மாவா தைவர்கா வாழியா விகலறு தேவா வாதே றுலகவி யாழி வாகார் வதைவாமா

குறள்வெண்செந்துறை 

மடக்குச் செய்யுள்

மாதவனு மாதவனு
மாதவனு மாதவனு
மாதவனு மாதவனு
மாதவனு மாதவன்
-வஞ்சித்துறை

கரந்துறை ,காதைகரப்பு

 மாதுவந்தார் மாதேகத் தாமைமா வெண்கலக்கோ காதைக்கூ காப்புளப் போருவக பங்கயப் பாதவுள வேணுருகு குன்றகன் றாநிமல பாதகத் தீருலகு தா இன்னிசை வெண்பா #கரந்துறை #காதைகரப்பு

காதைகரப்பு

 பாவியுரி தேசவுடை பாததலை வேயவிரு மேவுதரு தேவ வினியலை - யாவி சிரகவி தூய சிவகலை யோதி யரிவபுவ ரற்குடி லை -நேரிசை வெண்பா #காதைகரப்பு

காதைகரப்பு

கல்வியணி செய்துன்ன கையுள்வா ரானையு முந்திகத்தை யேறானை யோகவுயர் நாரவி யம்பா ளுமைநா விலணு கநய புனைவு விதித்த கவி #வெண்பா #காதைகரப்பு

விநாயகர் சதுர்த்தி

 விநாயகர் மீது நான்மணி மாலை தொடுக்க ஒரு சிறு முயல்வு 

ஏகபாதம

 

வாக்கிற் கருணகிரி வாழ்ந்த தண்ணாமலை வாக்கிற் கருணகிரி வாழ்ந்த தண்ணாமலை வாக்கிற் கருணகிரி வாழ்ந்த தண்ணாமலை வாக்கிற் கருணகிரி வாழ்ந்த தண்ணாமலை -கலி விருத்தம்

 

சந்த விருத்தம்

 

வஞ்சிக் கொடியி னெஞ்சத் துறையும்
வந்தித் தருளு நந்திக் குமரன்  
மன்றத் தமருங் குன்றத் தலைவன்
மன்னித் தருளும் கன்னித் தமிழன்                          புகழ்பாட

செஞ்சொற் றரவே சிந்தை புகவே
தெள்ளத் தெளிவாய் வள்ளி மலைவாழ்
உள்ளத் துறையும் வெள்ளத் தமிழால்
செல்லத் துறவி மெல்லப் புனைந்த                          கவிபாடி

வஞ்சத் துறையும் நெஞ்சைத் துலக்கி
வண்ணக் கவியின் பண்ணைச் செபிக்க
அன்னைத் தமிழின் கன்னற் சுவையை
அங்கத் துறைய அள்ளிப் பருக                               அருளாயே

கஞ்சத் தமரும் வஞ்சித் தழுவும்
நெஞ்சத் துடைய நந்தன் மகனின்
கொஞ்சித் திரியும் அங்கண் மகளின்
நெஞ்சத் தணையும் சென்னிக் கிரிவாழ்             பெருமாளே

திருச்சீரலைவாய்

 மாரனை நாடாது வாலிபம் வேறேது 

மாதுளம் காணாது மானுட வாழ்வேது                             அதுபோலே
 

சூரனை போரூடு சூடிய வேலோனை 

தூமலர் தாளோனை தாரணி மார்போனை                  மனதாலே
 

காருமை பாலோனை கார்த்திகை மேலோனை 

காதலில் சேராமல் கானகம் போவேனோ                        ஒருநாளே
பாரலை ஓயாத பாதகம் நேராத 

சீரலை வாயாளும் வானவர் கோமானின்                     மருகோனே

கட்டளைக்கலித்துறை

1.

 முப்புரி மாற்று முழுமதி நாளில் மனமுருகி முப்புரஞ் செற்ற முழுமுதற் கேள்வன் உளநிறுத்தி அப்பணி நாத னழகுக் குமர னடிதொழுதே ஒப்பிலி பத்தி யுருகொளச் செய்வா யுளத்தினிலே