ஆடவல்லா னாட்டமன்றோ அகிலமெல்லாங் காத்துநிற்கும் - அவனைத் தேடவல்லார் தேர்ந்தெடுத்த செகத்துரையுஞ் செப்புரையை நாடவல்லார் நாட்டமுற்று நலம்பெறுவர் வாழ்வதனில் - இதைப் பாடவல்லார் பேறுபெற்றார் பணிமதியான் பதம்பணிந்தே
சொந்தமென பந்தமென எந்தைகுக கந்தனையே புந்திநிறை சிந்தையுற முந்திவரும் - சந்தமுறை செந்தமிழி னந்திமக வந்தனைக ளிந்தமுது விந்தையுற சந்ததமு நன்று
வருமானை காவுறை வள்ளிக் கடைவு மணவாளனை
உருமானைக் காவுறை யோடி வெருட்டிய வுத்தமனைத்
திருவானை காவுரை செய்யத் துணிந்தேன் திருவிருத்தந்
திருவானைக் காவுறைச் சேயூரான் காக்குந் திருவடியே
கட்டளைக் கலித்துறை
கல்லா லடியமர் நால்வர்க் கருடந்த கங்கைபதி கல்லா லடிதொட கௌதம வில்லாள் கதியளித்தோன் கல்லா லடைமழை காத்தருட் கண்ணனு மொப்படைக்க கல்லா வடியனைக் காக்க வருவர் கடைவழிக்கே
ஊரி லுளவுயி ரூர வழியில்லை உட்புகுந்த மாரி மழைமிகச் சாலை நதியென வாசஞ்செயும் ஆரு மவதியி லாணை அனுப்பிடு வாசவற்கு வாரி சுவரிட வேலை விடவல கந்தையனே
செய்ய வனைத்தொழு தேத்தி முறையிடத் தேவரெலாஞ் செய்ய வனைக்கண் ணுதலா னுருவாக்கச் சேர்ந்தோருருச் செய்ய வனையணைச் சேயை மனம்புலன் புத்திசிந்தை செய்ய வனைத்துஞ் சிறக்கு நமகெல்லாஞ் செவ்வெனவே
அப்பாவி மக்கட் கலல்தரு மம்மா னழித்தொழிக்க வப்பாவி நீங்கி யமைதி நிலவவந் தானிறத்தா யப்பாவி செய்தரு ளாழி முகந்து வருணதேவ வப்பாவி மக்க ளழகுற நீராட மார்கழியே
பேயனை நஞ்சுண்டு பேறளித் தானைப் பிறங்குமதி
மாயனை மன்னு மதுரை யரசனை வானவர்க்குந்
தூயனை மன்றாடு மாக்கோவை ஈறிலாச் சோதியனை
வேயனை நாதனை மேதினிக் கோனைத் தொழுமனனே
கட்டளைக்கலித்துறை
கதிர்தி கிரியான் மறைத்த கடல்வண்ணன் காட்சிதர
கதிர்தி கிரியான் மறைத்த கடல்வண்ணன் காட்சிபெற
கதிர்தி கிரியான் மறைத்த கடல்வண்ணன் காட்சிதர
கதிர்தி கிரியான் மறைத்த கடல்வண்ணக் காட்சியதே
#கட்டளைக்கலித்துறை
தோட்டை மதியாக்கித் தொண்டனைக் காப்பாள் துணையிருந்தாற் கூட்டைத் திருவாழுங் கோவிலா யாக்கலாங் கூற்றவனின் ஏட்டை யழித்தாண் டிளமை நிலைக்கும் வழியடை...
