கந்தன் கலித்துறை

மலைத்தே னனைய மலைத்தே விருக்க மலைமலையா யலைத்தே திரிந்து மலுப்பே துமில்லை யலைக்கரையின் றலைத்தே வழைக்கத் தலைத்தேவை சென்று தலைவணங்க னிலத்தே நிலைக்க நிலைத்தே நினைப்பி னிலைமனனே #கட்டளைக்கலித்துறை

முழுமோனை மாருதி வெண்பா

செருவிலங்கை செற்ற திருவிலங்குந் தேவற் கொருவிலங்கை யூர்தியா யோங்கு மிருவிலங்க லேந்தி யிறையிருவ ரேல விடம்பெயர்த்த நாந்தொழவே நன்றாகு நாள் #வெண்பா

வேங்கட சுப்பிரமணிய வெண்பா

சிவந்த வுடையுடுத்துஞ் சேயனைக் காணப்
பவந்தருமு ரோகம் பறக்கும் - நவந்தரு
நல்வாழ்க்கை நாளெல்லா நாமுணர்வோ மீதிருக்கச்
சொல்வாழ்வி லுண்டோ துயர்

அமைப்பிற்கு வெண்பா

வினைப்பற்று வேண்டாது மேதினியில் வேலை
நினைப்பெற்று நீங்காது நின்றாற் - றனைப்பற்றுந்  
தாழ்வறியாச் சான்றோரின் றக்க தலைநெறிகள்
வாழ்வறியா மாண்பு வகுத்து

வினைப்பற்று வேண்டாது மேதினியில் வேலை
நினைப்பு எற்றும் நீங்காது நின்றால் தனைப் பற்றும்
தாழ்வு அறியாச் சான்றோரின் தக்க தலை நெறிகள்
வாழ்வறியா மாண்பு வகுத்து   

கந்தன் கலிவிருத்தம்

ஈன்றவென்னை யான்றசொல்லான் மூன்றுபோதுஞ் செப்பவே மூன்றுகண்ணர் கான்றெழுந்த சான்றுரைக்க வொப்பிலா மூன்றிரண்டு தோன்றுமங்கை ஈன்றபாலன் றப்பிலாத் தான்றடுத்து மூன்றுணர்த்தி நான்றமிழ்செ யேற்பனே #கலிவிருத்தம்

செவ்வாய் வெண்பா

முந்தை வினையகல நந்தை தினத்தாள்வோன் எந்தை முருகனுக் கேற்றவாறு தந்தளிக்க விந்தை தமிழ்ப்பாவை மேன்மை மனநிறுத்திச் சிந்தை சிறந்திடச் சொல் #வெண்பா 

நந்தை -சஷ்டி

'சிந்தை சிறந்திடச் சொல்' 

ஈற்றடிக்காக அமைத்த வெண்பா  

வேலன் வெண்பா

 

நினைப்பேற்றுங் கந்த னிறைநாமஞ் செப்பன் முனைபற் றருமை முயல்வு - நினைப்போற்றும் பாவாசை யொன்றே பகரவருள் பத்தற்கு மூவாசை நீக்கு முருகு #வெண்பா

மதுரகவியார் துதி

பதினொன்றே பாடியும் பன்னீரி லொன்றானப் பாகுகவி பதியென்ற மாலனைப் பாடாது மொன்றானாய்ப் பன்னிரண்டி னதிநின்ற தென்குரு கூர்நம்பி யேகொண்டாய் நாதனென கதியென் றுனக்கானக் காரிமா றப்பிராற் கண்டுவந்தே #கட்டளைக்கலித்துறை

இராமன் கதை கேளுங்கள் வெண்பா

பால விளவரசன் பார்மகளைக் கைப்பிடித்த ஞாலத் தலைவ னவமிதனில் - வாலி மராமர மேழுமொரு வம்பெய்தி வீழ்த்து மிராமன் கதைகேளுங் கள் #வெண்பா

மாறன்றுதி

மாறானை மாறிலா மங்கையாய்த் தன்னை மனமுவந்து மாறான் றனக்கு மனநீக்க மாறன் முறைதொழுவே மாறான் மறுப்பனோ மாட்டானே மாறனை மார்பணைப்பான் மாறானின் மார்புறை வாள்மா ணவனன்றோ மாறனுமே #கட்டளைக்கலித்துறை

இராம நவமி விருத்தம்

தனதன தந்த தனதன தந்த
     தனதன தந்த ...... தனதான

அலைகட லஞ்ச கணைதொடு வெந்தை
    யகிலமு தித்த திருநாளி

லறுசுவை யுண்டி யடையவி ரும்பு
     மனமுள வன்பர்  பலராவா

ரிலைகணி ரம்ப வினியவை யுண்ண
    விதவுரை சிந்தை தனையாள

விரவிய ரன்பு குலதில கன்ற
   னிகரிலி நின்ற கதைகேளாய்

தலையிரு வைந்து நிசிசர னற்றுத்
    தரையினி லம்பு விழயேவி

தனிவிற லங்கை நனிவலி பெற்ற
   சகதல மங்கை துணைவோனை

முலைகடி புள்ளை யொருவிழி கொய்த
   முழுமுத லண்ண லுளமார

வொருமுக மண்ட சிரதுதி செய்து   
    பிறகுரு சிக்க பலனாமே     

பதினான்கு சீர்க் கழிநெடிலடி ஆசிரிய #விருத்தம் 

செவ்வாயிற் செவ்வேள்

செஞ்சொற் புனைய சிறந்த தமிழிற் றிரையெழுந்த
நஞ்சைக் கழுத்தி னகையா யணியு நடவரசற்
கொஞ்சுப் புதுல்வன் குருவா யமர்ந்த குமரன்றனை
நெஞ்சத் தமர்த்தி நிதமு நிறைய  நிலையருளே

#கட்டளைக்கலித்துறை  

கந்தன் கலி விருத்தம்

 

பொருப்பணைந்து போற்றியுன்னைப் பாட்டிசைக்க வில்லையே

நெருப்பணைந்த வேதவேள்வி நெருங்ககூட வில்லையே

விருப்பணைந்து நோற்றுநாளு மேன்மைகொள்ள வில்லையே

இருப்பினெந்தை வள்ளிநாத வேற்றமீன்ற வள்ளலே

#கலிவிருத்தம்

செருப்பு விளக்குமாறு வெண்பா

செருப்புக்கு நாடா டிறனை யளிதன் விருப்புக் கிடமே விடாத - திருப்புக் கிளையாழ்வான் வாழ்ந்த விணையிலா வூரின் விளையாள்வான் மீள்விளக்கு மாறு 

கல்யாண கருமாதி சிலேடை வெண்பா

விடுதலை மாயும் விதியெரிப் பாயும் சுடுதலை யேற்கு முடறா - னடுவிற் சரமாரித் தீவேள்வி சார்ந்துரைக் கேட்குங் கருமாதி கல்யாண மொன்று #வெண்பா

 

விடுதலை மாயும் விதி எரிப் பாயும்
சுடுதலை ஏற்கும் உடல் தான் நடுவில்
சரமாரி தீ வேள்வி சார்ந்து உரைக் கேட்கும்
கருமாதி கல்யாணம் ஒன்று  

வசந்த திலக விஶ்வநாதாஷ்டகம்

விஶ்வநாதாஷ்டகம்

பா வகை (poetic metre): வசந்த திலகா

ஆதிசங்கர பகவத்பாதர் அவர்கள், “வசந்த திலகா” 

என்னும் பாவகையினை வடமொழில் கையாண்டுள்ளார். 

அதே பாவகையை தமிழில் முயன்று 

மொழியாக்கம் செய்யும் ஒரு சிறு முயல்வு.

1.

கங்கைத் திரைச்சடை யணிந்த வணங்கு மானே
மங்கைக் கிடப்புற மளித்த நிரந்தரா வெண்
சங்கைத் தரித்த திருமாற் பிரியா மலர்வே
ளங்கத் தழித்த பர காசி வி விஶ்வநாதா!

குமாரசம்பவ விருத்தம்

 ஆறுடுத்து மாலகண்ட ராடவத்தை வானவ
     ராடவைக்க வேளனுப்பி வாளியேவித் தானவர்
சீறொடுக்கத் தேவியொத்துச் சேயுதிக்கக் கூடவே
      தேறமர்ந்து கூடிபேசிச் சீரெடுத்துச் சாரவ
ரூறொழித்து மீளெடுக்க வானிலத்தைத் தானவர்
     நேரெடுத்த வாணவத்தை யேறெடுத்துத் தீயினா
னீறழிக்க  நீலகண்டர் தீவிழிக்க வாறின
     ராறுதிக்கு  மாசிதோன்ற றானுதிக்க  வேண்டுமே

பாரதப் பெருமை விருத்தம்

 கரிமுனி பகரக் கரிமுக னெழுதக்
     கடலொலி யெழுப்புங் கலைநதியு

மிருநில முலர விபமுகன் குளிரப்                      
    பெருநிலத் தடியின் மறைந்தோடப்  

பெருவரை யதிரப் பெருமைக ளுணரப்  
    பிறங்கொளி பரவுங் கதிராகக்  

குருவரு ளணுகத்  திருவரு ணுழையக்
    கருமமு முணர வறவாழ்விற்

குருகுல மழியக்  குணவதி மகிழச்  
    செருவிடை யுரையைப் பரந்தாம

னரகுல முயர நடவழி யுணர
    நமதிடை புலரப் பணியானே

வரிவடி வுலகு வகைவகை யுளவும்
    வடிவழ குடனே வடித்தானே

திருவடி யுறையச்  செறுகலி யொழியத்
    தினமுறை தொழுவோ மறைநூலே

மாறன் மடக்கு வெண்பா

மாறான் முழுமுதற் றெய்வமெனப் பாட்டிசைத்த மாறன் றமிழ்செய்த மாமறையே மாறுதித்த மாறான் முழுமுத றெய்வமெனப் பாட்டிசைத்த மாறன் றமிழ்செய்த மாண்பு

மாலவதார வொப்பீடு வெண்பா

மாதுறையு மார்பழகன் மாதரியா யன்றுவந்த மாதறியா தேங்கவைக்கு மாமாயன் - யாதொருவர் மாதிரியே கூறவொணா மாதொருத்தி காத்திடவே சேதமுறச் செய்தவனாந் தீவு #வெண்பா