வேலவன் வெண்பா

கண்ணுதலார் காதுக்குக் கும்பமுனி நாதர்க்கும் விண்ணவர்க் காத்தருள் வேலவா - திண்ணமுரை செய்த மொழியாதோ செப்புன்ற னன்பர்க்கு மெய்தறியா வாழ்வுழன்றோ மம்பு #வெண்பா

அருணகிரிநாதர் விண்ணப்ப விருத்தம்

தந்தத் தனதன தந்தத் தனதன தந்தத் தனதன தந்தத் தனதன தந்தத் தனதன தந்தத் தனதன தனதான

 

கந்தக் கடவுளை யந்திப் பகலெனச்
சிந்தித் துருகிட வந்தித் துளமகிழ்
பந்தத் துணையுட னிந்தப் பிறவியின்  பயனேக

விந்தக் கலியினி லின்புற் றொழுகிட
வின்பக் குறமுக ளன்புத் துணைவனைக்
கம்பத் திளையனைச் சங்கத் தமிழினி லழகாக

நந்தற் குமரனி னங்கப் பறைபெற
நங்கைத் திருமக ணங்கட் கருளிய
சங்கத் தமிழினைச் சந்தத் தமைவுடன் பலகாலு

நண்ணித் தொழுதெழ வெண்ணத் துயரிய
வண்ணக் கவிமழைப் பண்ணிற் கிசைந்திட
கண்ணித் துணையுடன் கண்ணி புனைந்திட வுளமார

தந்தித் துகிலுரி கங்கைச் சடைமுடி
யங்கத் திடமுறை நங்கைக் களவிலி
யின்பப் புதல்வனைத் துங்கக் கரியனைக் கவினாகச்

சந்தப் புலவனைக் கந்தற் கடியனை
யெந்தப் புலவனு மண்டற் கரியனை
விந்தைப் புகழுரை தந்திக் கிறைவனைப் பலபாடு

மந்தக் கவிஞனைச் சிந்தைத் தொழுதிட
விந்தக் கடையனு மன்புப் பெருகிட
வந்தித் தருளிட செஞ்சொற் பலவரு டனைநாளு

முந்திப் பிறவளிச் சந்திப் பிழையிலி
யெந்தத் தடையிலி யுந்தத் திறமருள்
சிந்தைப் பொலிவுற சித்தந் தெளிவுற குருநாதா

இலக்குமி விருத்தம்

 

மின்னே நிகராம் வாழ்வினிலே

   பொன்னே பொருளே போற்றிசைக்கு

மென்னே விதியி னாடிறனே

    மன்னே நிலைக்கு மாண்பறியா

முன்னே விளங்குங் காட்சியினை

    முற்றுந் துறந்து மாட்சியெனப்

பின்னே வருந்துந் தாழ்வறியா

     அன்னே உனதாண் மறந்தினமே

 

விதியி னாடிறனே – விதியின் ஆள் திறனே

உன தாண்- உன தாள்

 

வஞ்சிக் குறவா கட்டளைக்கலித்துறை

வஞ்சிக் குறவா வழிவழி நின்ற வரையரையா வஞ்சிக் குறவா விழிவழி சென்ற வடிவழகா வஞ்சக் கரவான் விழிவழி மக்கண் மணம்புணர பஞ்சக் கரவான் வழிவழி வென்ற வறுமுகனே 

#கட்டளைக்கலித்துறை  

 

மங்கைக்கோ வெண்பா

அத்தனைக் கொண்டாட அத்தனை யின்பமாம் பித்தனாய் நோக்கினர் பித்தர்கண் – முத்தென வித்தினைப் பாவால் விரித்துரைத்த நாலுகவிச் சித்தனைச் சிந்தைசெய்வோம் வா

 

மங்கைக்கோ விருத்தம்

 மாலை அணிந்தளித்த மங்கைக்கோ  
     மார்பி லிடந்தந்த மங்கைக்கோ
பாலஞ் சமைத்துவென்ற மங்கைக்கோ
    பாரின் சுமைதுறந்த மங்கைக்கோ
கோலத் துருவெடுத்த மங்கைக்கோ
    கோபன் மனமுவந்த மங்கைக்கோ
வேலைத் துயில்வளரு மங்கைக்கோ
    வேண்டித் தொழுதுவந்த மங்கைக்கோ 

நாதமுனிக் கட்டளைக்கலித்துறை

நங்கைக் கிடந்தந்த நம்பிப் புகழை நயந்துரைத்த
நங்கைக் கிடந்தந்த நம்பிப் புகழை நயந்துரைத்த
நங்கைக் கிடந்தந்த நம்பிப் புகழை நயந்துரைத்த
நங்கைக் கிடந்தந்த நம்பிப் புகழை நினைமனனே

கட்டளைக்கலித்துறை 

திவ்வியப் பிரபந்தச் சிறப்பு

மாமகிழ் மாறன் சிறப்பை யுரைத்த மரத்தடியின்
மாமகிழ் மாறன் சிறப்பை யுரைத்த மதுரகவிப்
பாமகிழ்ந் தோத படிமீ ளுதித்த பனுவலினை
நாமகிழ்ந் தோத நரவாழ் வெடுத்தோ நனிசிறப்பே
#கட்டளைக்கலித்துறை

இராமானுசர் வெண்பா

பெரும்புதூர் மாமுநியைப் பேறாகப் பெற்றார்க்
கரும்புவியி லேது கவலை - விரும்பியதை
அன்பர்க் கணைத்தருளும் ஆதி யரவென்றும்
இன்பத்தை ஈவான் இருந்து

 

பெற்றோர் சிறப்பு

ஞானக் கொழுந்திற்கு ஞாலப் பிதாவன்னை ஞானப் பழந்தர ஞாலத்தை ஞானப் பழஞ்சுற்றித் தோற்றுப் பழநிநின்றான் பெற்றோர் தொழுஞ்சிறப்பைச் சொல்ல புவிக்கு

 

விசிஷ்டாத்வைதச் சிந்தனைகள்

 அலைகடலிலை கடலலையிலை கடலிலையெனி லலையில்
அலைகடலிடை நிலைகுறைவள ரதனொடுக்கமுங் கடலில்
அலைகடலிலை நிதமிதவுரு அரியெனுமொரு விதையில்
அலைகடலுல குயிரதனுட னிலைகுலைவிலை யடைவே
#கலிவிருத்தம்

 

விசிஷ்டாத்வைதம்

அலைகட லன்று தனித்துவ நோக்கி லடங்கியபின் அலைகட லென்று மறிந்து கொளலா மதேசமயம் அலைகட லன்று கடைந்தான் உளனே அனைத்துயிரில் அலைகட லொன்று சிறப்பை யறிந்தா ருரைத்தனரே #கட்டளைக்கலித்துறை

செவ்வாயிற் செவ்வேள் வெண்பா

கோடான கோடி குறைசேர்ப் பிறப்பிறப்புற் றாடவல்லா னன்பு குமரனை - நாட மனம்படைத்த தென்னே வனப்பார்த் தமிழ்ப்பா தினம்படைத்து நன்றிபகர் சேய்க்கு #வெண்பா

மாசி மகம்

 பாசத்தை நீக்கும் பதிக்கு மகன்மீது

 பாச மிருப்பது பாங்கன்றோ - ஈசற்கே

 ஆசானா யோங்காரத் தாழ்பொருளை யின்றுரைத்தான் 

மாசி மகத்து மகத்து #வெண்பா

 

வள்ளி விளி வெண்பா

வேல்கொண்டு வற்றவே வேலையைச் செய்தநீ மால்கொண்ட மங்கைக்கு மார்தந்து கூடவா ஆல்கண்ட மாமனை யாட்கொண்ட மாமிபோல் மால்கண்ட பேதையை மாற்று #வெண்பா

யசோதை வெண்பா

பாசம் பணிக்கும் பரம்பொருளை யென்றுணர்த்து மாசை யசோதையை யன்புட - னேசத்தா னாளு மவனினைவே ஞானமென வாழ்ந்தவிந் நாளி னினைத்துயர்வோ நாம் #வெண்பா

கண்ணன் கலிவிருத்தம்

 சஞ்சலங்க ளேதுமின்றி சந்ததமுங் காத்திட அஞ்சலின்றி யைவருய்ய வஞ்சகங்கள் செய்தநந் தஞ்சமென்று வந்தவர்க்கு நெஞ்சமர்ந்து காத்திடுங் கஞ்சனெஞ்சிற் றீயைவைத்த கண்ணனென்றும் வாழியே

#கலிவிருத்தம் 

கம்பவிரமாயண வெண்பா

பிறைமதி யீசற் பெருஞ்சிலை தூக்கி நிறைமதி மங்கை நினைவைக் கவர்ந்த இறைவனின் காதை இறைத்தமிழ் செய்த மிறைக்கவி மேன்மை வியப்பு #வெண்பா

பூவராஹ கலிவிருத்தம்

தாங்கிநிற்கு மாதிசேடன் றாள்பணிந்து நிற்கவே ஏங்குமன்னை பூமிதன்னை ஏற்றுவந்த நாதனே வேங்கடேச னன்றுவாழ வீற்றிருந்த பூமியைப் பாங்களித்து வாழ்த்துநல்ல பூவராக மூர்த்தியே #கலிவிருத்தம்

விசிஷ்டாத்வைதக் கட்டளைக்கலித்துறை

அலைகட லன்று தனித்துவ நோக்கி லடங்கியபின் அலைகட லென்று மறிந்து கொளலா மதேசமயம் அலைகட லன்று கடைந்தான் உளனே அனைத்துயிரில் அலைகட லொன்று சிறப்பை யறிந்தா ருரைத்தனரே #கட்டளைக்கலித்துறை

செவ்வாயிற் செவ்வேள்

வினையாளும் வாழ்வி லுனைநாடா வீழ
எனைமாள வைக்கா திறைவா - தினையாளுந்
தேவி கணநீங்கா தேவ வுனைப்பாட
ஆவிக் கருடந்தா யாண்டு