படைப்பாள் வெண்பா

படைப்பார் படைக்கப் படைப்பார் படைப்பார்
படிப்பார் படிக்கப் பிடிப்பார் - படைப்பார்
படைப்பார் படைப்பாள் படைப்பாய்ப்  படைக்கப்
படைப்பார் படைப்பார் படைப்பு
#வெண்பா 

திருச்செந்தூர் கட்டளைக்கலித்துறை

ஈரா றணிதோள னேறூரா னேறின் விசயபுரஞ்
சீரா யலைமோதுந் தீராப் பிறப்பிறப் பென்றுழலும்
பேரா பிணிபோக்கிப் பேறா யணைக்கும் பிரானுறையுந்
தீரா வினைவலி தீர்த்தருள் செந்தூர் திருத்தலமே

பூமி பிராட்டி கலி விருத்தம்

மருப்பிளைத்த கைகளு மகட்கிசைந்த பார்வையும்
விருப்பளிக்கு நாதனை விழைந்திருந்த மங்கையின்
திருக்குயர்ந்த சேவையா சிரத்திருந்து தாங்கவே  
கருத்துணர்ந்த கோலவன் பணத்தரவென் றானனோ 

#கலிவிருத்தம் 

நிகரிலி கட்டளைக் கலித்துறை

 

சினத்தெழும் போதுஞ் சிலிர்த்திடும் போதுந் திசையறியா

மனத்தெழும் பூசன் மலர்ந்திடுங் காதன் மதிமயக்கும்

வினைத்தல வாழ்வில் விதிப்படி யாடு மெழுத்திருந்து

நினைத்தழ நின்னை நிலைகொடு நீயே நிகரிலியே

- கட்டளைக் கலித்துறை

 

அருண்மா மகள் கட்டளைக் கலித்துறை

அருண்மா வலையறு மங்கை யரசற் கருண்மொழிந்த
வருண்மா வலையறு மங்கை யரசர்க்  கருண்மொழிந்த
வருண்மா வலையறு மங்கை யரசற்  கடிபணிய
வருண்மா வலையறு மங்கை யரசற் குரைக்கணுமே
#கட்டளைக்கலித்துறை

அருணகிரிநாதர் புகழ்மாலை

சந்தத் தமிழினிற் சங்கத் தமிழினிற் சான்றுரைக்க
வந்திப் பகலென வந்தித் தளிபெற மாண்பளித்துக்
கந்தக் கடவுளி னன்புக் குழுந்தை யருணகிரி
யிந்தப் பொடியனி னின்பத் துதியுனை யேற்றருளே

#கட்டளைக்கலித்துறை

முற்றுமோனை இராமர் வெண்பா

தலைபத்துத் தத்திவிழ தானவனைத் தாக்கித்
தலைவிக்கா தாங்கி தனிமை - தலைமகனாய்
தந்தைசொல்லைத் தட்டாத் தனிமகனாந் தாசரதி
தந்தநெறி தாங்கு தலை
#வெண்பா #முற்றுமோனை

திருவரங்கத்து வெண்பா

அரங்கந் துயிலு மரவணையா னேரில்
திருபார் மகளுடன் சேவித் - தரங்கத்
துறையு முடையவர் தாமான மேனி
முறைகாண வைகுந்தம் வை
#வெண்பா

செவ்வாயிற் செவ்வேள் வெண்பா

அன்பே யுருவா மருண்மழை மேகவூற்
றின்பே தருமிவ னின்னாம - மென்பணியுங்
காபாலி கண்ணுதற் கந்தனை யேத்திதமிழ்
சீர்பாடச் செவ்வாய் சிறப்பு
#வெண்பா 

கங்கை கொண்ட சோழன் விருத்தம்

 

மங்கைகொண்ட பாகரேத்தி ராசராசன் மைந்தருந்

தங்கைகொண்டு வங்க(ம்)வென்று வாகைசூடிப் போரிலே

கங்கைகொண்ட சோழனாக காலகால மேத்திட

செங்கைகொண்ட சிற்பிகொண்டு தேர்ந்தமைத்த கோவிலே

#கலிவிருத்தம்

 

நாதமுனிகள் கட்டளைக் கலித்துறை

வீராணந் தோன்றிய வித்தகா நாலா யிரப்பனுவ  
லாரா வமுத  னருளா லகில மனுபவிக்கத்  
தீரா வினைதீர் திருமருந் தேதிவ்ய கானமரு
டீரா திருமால் புகழை நவிலு முனிநாதனே  
#கட்டளைக்கலித்துறை

 

நாதமுனிகள் வெண்பா

அட்டாங்க யோகத் தறிவொளி பாருய்ய
வெட்டா நெறியை யெளிதுணர்த்த - வெட்டாளு
நாதனின் சீர்பாடு நாலா யிரந்தந்த
நாத முனிபிறந்த நாள்
#வெண்பா

திருமகள் கொச்சகக் கலிப்பா

இருவானை நீர்சொரிய விடைநளின மனங்கவரத்
திருமாலைத் திகைவிக்குந் திருமகளே பிழைகோடி
புரிந்தாலு மிறைமறந்து திரிந்தாலு முயிர்யாவு
மரவணைத் தருள்வாயே தினநீயே திருத்தாயே

தரவு கொச்சகக் #கலிப்பா

திருமகள் வெண்பா

கோவிந்தன் மார்பிற் குடியிரு தேவிபுகழ்
பாவேந்திப் போற்றப் பவமறுமே - நாவேந்த
னாகத் திருவுடை மாலைத் தினந்தொழவே
தேகத் திறமளித்தான் றேவு
#வெண்பா

கோபமும் நல்ல குணம் வெண்பா

அறத்தை நிலைநாட்ட வம்புவியைக் காக்க
மறத்தின் வெளிப்பாடாய் வந்தால் - பிறருரைக்குஞ்
சாபமுங் கண்டுகொளாத்  தாரணிக்கா தாம்பணிந்தாற்
கோபமும் நல்ல குணம் 

அபிராமி கட்டளைக் கலித்துறை

கூத்தாடுங் கோனிடக் கூறாளைக் கோழிக் கொடியுடையோ
னாத்தாளை யாழிவா ழாழியா னன்பிளை யந்தரியைக்
காத்தாளக் காருவா காணக் கனிநிலா காதணியை
யீத்தாளை யீடி லிறைவியை யேத்தாழ்ந் திசையிதுவே
 

#கட்டளைக்கலித்துறை

யாவுமாய் உள்ள நேமியான் ஆசிரியப்பா

தீயிலே வெம்மையாய் நீரிலே தண்மையாய்
மேவிடும் வெளியதாய் மண்பயி றிண்மையாய்
வீசிடும் வளியுளாய் வாசமுள் வாசமாய்
பேசவு மியலுமோ வரம்பிலான் றன்மையை
நீசனை யாண்டனை நேமியாய்
வாசனை யுள்ளதோ வந்தனை வாழ்விலே

செவ்வாயிற் செவ்வேள் முருகு நாம வெண்பா

முருகனை யேத்த முராரி புராரி
திருவுமை வாணி திசைமுகன் சேர்ந்தே
யொருங்க  ரருள்வ ருவந்து மறவேந்
தருவாய்த் திகழு முருகு

செவ்வாயிற் செவ்வேள் வெண்பா

பூவும் பழமும் புனைவேளைக்  கண்டுவக்க
நாவு சிறக்காதோ நாயேற்குஞ் - சேவற்
கொடியுஞ் சிகண்டியுங் கூற்றழிக்கும் வேலு
மிடைவிடா தேத்துவதே பாங்கு

 

மருதமலை முருகன் விருத்தம்

செங்கணேற்றவர் திங்களாற்றவர் மங்கையேற்றவ ரடியாரின்
செங்கணேற்றவ ரங்கமேற்றவழ் பொங்கராபுனை குருநாதா
சிங்கவேற்றவ ணங்கைமேற்றவள் செங்கைவீற்றருள் வடிவேலா
வெங்களாற்றமை யுன்னையேத்தவே கொங்குகோட்டுறை பெருமாளே

#கலிவிருத்தம் 

 

பரீட்சித்தைக் காத்த பரமன் கலி விருத்தம்

பரிதவிக்கு மங்கைகரு பார்ப்புகழ வோங்கிடவே
யுருவொடுக்கி யுண்ணுழைந்தா னுத்தமனும் போர்முடிவிற்
பரிதவிக்கும் பல்லுலுயிரும் பாலிக்கப் பரந்தாம
னுருவெடுக்க நாணுவனோ வோங்கியுல களந்தவனே
#கலிவிருத்தம்

கோடைமழை கலிவிருத்தம்

கோடையுமிழ் வெப்பமிகை கோலமழை சீர்செய்யுங்
கோடிபணஞ் சேர்மிகையைக் கோடலளி சீர்செய்யும்
நாடிவருந் துன்பமெலா நாதனருள் சீர்செய்யும்
பாடியவன் பாதம்பணி பாழ்வினையும் பாங்குறுமே
#கலிவிருத்தம்

செவ்வாயிற் செவ்வேள்

கந்த ரலங்காரங் காக்குங் கவசங்க ளெந்தை யனுபூதி யேற்றமளி விந்தை திருப்புகழ் சீர்வகுப்பு மாறல் புயங்கம் விருத்தமந் தாதி விரும்பு

வேலவன் வெண்பா

அரவணி நாத ரனலுதித்த மைந்தா
அரவணைவா ரன்பு மருகா - சரவணப்
பொய்கை வளர்ந்த பொருப்பாளு மாமயிலா
வைகைதமிழ் வாழ்த்துரைக்க வாழ்த்து
#வெண்பா

திருமண வெண்பா

துயரே யுருவாய்த் துளிரும் பயிரா
மயர்வே யமையு மதனா - லுயர்வே
யொருபோது மொட்டா தொழியு முணர்வாய்
திருமணந் தீவாய் நரகு

தாயார் கட்டளைக் கலித்துறை

வாணேர் விழியாள் வனப்பின் மயங்கி வினைப்பயனாய்ப்
பூணார் முலையாள் பொலிவிற் றிளைத்துப் புலமைமிகு
மாணா மதுர மொழியா ளவடன் மகத்துரைக்க
வாணா ளடையு மலர்த்தாள் பணிவா மறைப்பயனே

#கட்டளைக்கலித்துறை

வேலவன் கலி விருத்தம்

வேடவேடம் பூணிவந்து வேழவேழத் துணையுட
னோடியாடிக் கானமேவு வேடமாதைச் சேரவே
நாடினாடிக் காதலித்த நாலுவேத நாயகா
வீடுதேடி வாடுமாவின் வேதனைதீர் வேலவா

இளையராஜா விருத்தம் வெண்பா

இசைதரு மிசைத்தரு வெண்பத்தொன் றெட்ட
விசைதரு மிசைக்கொரு வின்பத்தமிழ் சொட்ட
வசைவுறு நசைக்கொரு வன்புக்கவி யிட்ட
நிசைவரு மிசைக்குரு சந்தத்தமிழ் மெட்டே

கலிவிருத்தம் 

இசை தரும் இசை த்தரு என்பத்து ஒன்று எட்டி 

 விசை தரும் இசைக்கு ஒரு இன்பத்தமிழ் சொட்ட 

அசைவுறு நசைக்கு ஒரு அன்புக் கவி இட்ட 

நிசை வரும் இசைக்கு உரு சந்தத் தமிழ் மெட்டே

இளையர்க ணெஞ்சி னிசைத்தேவன் காதல்
விளைவிக்கு மாக்கு மிறைவன் - களைவானே
துன்பத் துயர்தீர தூய னழித்தலு
மன்பா யருளுமிரா சா

வெண்பா 

 இளையர்கள் நெஞ்சின் இசைத் தேவன் காதல்
விளைவிக்கும் ஆக்கும் இறைவன் களைவானே
துன்பத் துயர்தீர தூயன் அழித்தலும்
அன்பாய் அருளும் இராசா