செவ்வாயிற் செவ்வேள் வெண்பா

செவ்வேளைச் சிந்திக்கச் செவ்வேளை யாகாதோ
வெவ்வேளை யென்றாலுஞ் செவ்வாயே - யிவ்வேளை
யெண்ணற்குப் பேறளித்தா னென்றுவந்து நன்றிசைப்போம்
பண்ணிற்குப் பாடல் புகழ்ந்து

கன்று மேய்த்த கலி விருத்தம்

 

கன்றுமேய்த்த கண்ணனாக வன்றுதந்த வுறுதியு

மன்றலென்று வில்லிறுத்த மன்னிராம னுறுதியும்

பன்றியாகி மீட்டுபூமி பத்தநேய னுறுதியு

நன்றிருக்க நம்மைநாட வின்னலென்று நாணுமே

#கலிவிருத்தம்

 

மன்றடைந்த கலி விருத்தம்

 

மன்றடைந்த நாதர்காண நடனமாடு மூர்த்திநீ

சென்றடைந்து பூரிகாணச் செகமதாளு மூர்த்திநீ

குன்றடைந்த சித்தர்காணக் குருவுமான மூர்த்திநின்

வென்றடைந்த வேலிருக்கப் பொடியதாகு மார்த்தியே

#கலிவிருத்தம்

 

பரமனாக கலிப்பா

 

பரமனாக விருந்தபோதும் பரியடக்கு மெளியவன்

கரியகோல முரியவற் கடிமைசெய்த வடியவர்க்

குரியனாக வுளமகிழ்ந்து மதுரபாடல் வியன்கவி

யரியதான பதிகமாள்வர் பரமபாதங் காண்பரே

#தரவுகொச்சகக்கலிப்பா

 

முயன்றலைதல் கலி விருத்தம்

 

முயன்றலைதல் வேண்டா முழுமோனம் வேண்டா

பயன்றலையிற் கொள்ளாப் பழவுரையைக் கேளீ

ரயன்றுளிரு நாப னையன்செயலே யாவுங்

கயன்றுயரை நீற்றான் கழற்சேர்விப் பானே

#கலி விருத்தம் 

 

கடம்பனருளால் வெண்பா (செவ்வாயிற் செவ்வேள்)

கடம்ப னருளாற் றடங்க லகலு
மடங்காத நாவு மடங்கும் -கிடந்துருளுந்
தூசு மிளிர்பொன்னாஞ் சூழ்ந்த வினையெரியு
மேசுங் கவியாமே தேசு

#வெண்பா

 

சேவற் கொடியோய் விருத்தம்

சேவற் கொடியோய் சேவைக் கெளியோய் 

             தேவர் படையா டேவே                                            யுனைநாடாப்
 

பாவிக் கரியோய் நேசர்க் கெளியோய் 

              பாதைத் துணைவா நீயே                                       யுனைநாளுஞ்
 

சேவித் தடைவாய் தேனார் தமிழாட்

               சீதத் தடியைப் பாவாற்                                              றுதிபாட
 

வாவிக் கருள்வா யானைத் துணைவா 

               வாழித் துயிலார் மாயோன்                                   மருகோனே

 

#எண்சீர்விருத்தம் 

மண்ணுண்டை வெண்பா

 

மண்ணுண்டை நுண்ணறிவு மாந்தர்க்கு மாட்சிதரா

வெண்ணுண் டறிவழிக்கு மென்றுணர்ந்து - மண்ணுண்ட

மாயவ னாம மனநிறுத்தி யோதிடுவோம்

போயவன் பொற்றாள் பெற

#வெண்பா

 

பூவின்றி விருத்தம்

பூவின்றி நின்றாற்கென் புந்தியே பூஷணமா
நாவன்பு நவின்றேத்த நறுமணப்பூ  வாகாதோ
கோவென்று நின்றதிருக் கோட்டுறைப் பெருமானே
சாவந்து தீண்டும்வரை சமர்ப்பிப்பே னனைத்தையுமே

கலிவிருத்தம்

 

திருப்புகழ் மதிவண்ணன் அவர்களது 75ஆம் பிறந்த நாள் வாழ்த்து விருத்தம்

கார்த்திகையின் கார்த்திகையி லவனிவந்து 

                       கண்குளிர பவளவிழாக் கண்டுவந்து
 

கார்த்திகேயன் கவிபாட மனங்குளிர்ந்து 

                கவியுலகின் சஷ்டியப்தம் பூர்த்திசெய்து

நேர்த்தியுறப் பலநூல்கள் செய்துவந்து 

                நிகரற்ற வேழுதேவ பூசைசெய்து
 

பார்த்தனவன் சாரதியின் பெயர்கொண்ட 

                   பல்லாண்டு மதிவண்ணர் வாழியவே

 

-அறு சீர் விருத்தம்

 

செருப்பு விளக்குமாறு வெண்பா மூன்று

 

செருப்புக்குச் சீருரை யாயிரஞ் சாற்றித்

திருப்புக்கு மார்பரங்கன் றேர்ந்த - குருப்புக்

குயர்ந்தாரின் றாள்பற்றி யுய்நெஞ்சே மாலை

வியந்தார் விளக்குமா றே

#வெண்பா

 

செருப்பு விளக்குமாறு வெண்பா

செருப்புக் கெருமைச் சிரத்தசுரன் வீழ
வுருப்புக்க வுத்தமியை யுள்ளக் - கருப்புக்
குழலும் பிறப்பிறப் போயு மிதுபே
ரெழிலி விளக்குமா றே 

நினையா வெண்பா (செவ்வாயிற் செவ்வேள்)

நினையா நிலையொழிய நின்னை நிதமு
மனையா யருளு மழகே - யெனையாளு
மீச னிளமைந்த வின்றமிழா லென்றுமுனைப்
பேசப் பெறப்பெற்றேன் பேறு

 

அரைவந்த வெண்பா

 

அரைவந்த போது மலுக்காதைந் தாட்டந்

தரைவந்து நின்ற தடுப்பாட்ட மாடிக்

கரைவந்து வென்றான் கதிகலங்கச் சென்னை

யரவிந்த் சிதம்பர மான்று

#வெண்பா

 

விதியறியா விருத்தம்

 விதியறியாப் பொருளை விரித்துரைக்க

        விழியறியாப் பொலிவை விருந்தளிக்கக்

கதியறியாச் சுரரைச் சிறைவிடுக்கக்

      கணையழியாப் பகைவர் கதைமுடிக்கப்

பதியறியாப் பசுவைப் பதப்படுத்தப்

     பணிவறியா மதியின் பழுதறுக்கத்

துதியறியாத் தமியன் றமிழுரைக்கத்

     துணைவருமார் குருவை யுளத்திருத்தே

-அறு சீர் விருத்தம்

 

 

ஆறுதித்த விருத்தம்

ஆறுதித்த நாதனாக வைஞ்சிரத்து நாதனும்

    பாருதிக்க வந்ததென்னை போரொடக்கி வெல்லவே

நூறொழிக்க நீரொளிந்த நேயமற்ற சூரணி

     நோயகற்ற ஞானமெட்ட நூன்மறந்த மாந்தருக்

கீறகத்து வாழ்வளிக்க வேதுவாக நின்றிட

    வேரகத்து வெற்படைந்து தந்தைசாமி யென்றெழ

வேறதற்கு நேரிலாத சந்தநாதர் செந்தமிழ்

     மேதினிக்கண் மன்னிநிற்க வீழ்விலாத போகமே

 -எண்சீர் விருத்தம்

தாதொத்த வெண்பா (ஏகாக்ஷரம்)

தாதொத்த தத்தை துதிதாதை தித்திததித்
தேதுதித் தேத்துதித் தோததா -தீதுதொத்தா
தத்தத்தத் தித்ததத்தாத் தோதிதத் தோததா
தித்தத்தித் தேத்திதித்தொத் தே       

 

கற்றறிந்த விருத்தம்

கற்றறிந்த பண்டிதர்கள் கவிமறுத்து ரைத்திட

கச்சியப்பர் நம்பிநின்ற கனிமொழிக்கு நாதனே 

யச்சுடைத்த வேடெடுத்து  வந்தடைந்த வச்சபை                           பலர்காண 

குற்றமல்ல பத்தன்பாட லென்றுரைத்துச் சான்றுடன் 

கொற்றவீர சோழியத்தின் சூத்திரத்தி னூடுநீ 

சொற்றமேன்மை கண்டுவந்து சொல்லடைத்து நின்றனர்           புலவோர்கள் 

முற்றுணர்ந்த முக்கணப்பர் மௌனநாதர் சீடனாய் 

முத்தமிட்ட செல்லமைந்த னென்றிருந்த போதிலு

மௌனங்காத்து வாயடைத்து கீழமர்ந்து போதனை                   யுனைவேண்ட

 

வுற்றவர்க்கு மெச்சுகப்பு மேலெழுந்து பொங்கவே 

வோமடக்கு பொருளவர்க்கு மோதுவித்த வித்தகா 

வொப்பிலாத சாமிநாத னாகநின்ற வேரகப்                                     பெருமாளே 

 

ஆறா வெண்பா செவ்வாயிற் செவ்வேள்

ஆறா ரணமு மகலு மடியவர்க்
காறா யமையு மவனினை - வாறுதித்த
வாறாந் திதியாளு மாறு முகனைநித
மாறாழ்ந் தணுகி னுவந்து

வையகத்து கலி விருத்தம் ( மணவாள மாமுனிகள்)

வையகத்து வாழ்வுகந்து வாழ்ந்திறந்து மெண்ணிலா
மெய்யெடுத்து விட்டொழிந்து விஞ்சிநின்ற தென்கொலோ
செய்யகத்து வாயினின்று சேவைசெய்வ தென்றுதான்
பொய்யகற்று மாமுனிக்கு மெய்யொடுக்கு நெஞ்சமே 

வானகத்து விருத்தம்

வானகத்த ராவடைந்து வையகத்தை யேற்றவே
       வைணவத்தை யாச்ரயித்து மானுடற்க ளுய்யவே
தேனுகுத்த மிழ்மொழிந்து பதேசரத்ன மாலையுந்
      தமிழ்மறைக்கு நூறுசாற்றந் தாதிமாலை யமுதமுங்
கோனகத்து வழிவகுக்க மேதினிக்கு நீதர
      கோவில்வாழ ரங்கனுன்ற னேற்றமான தனியனை
நானிலத்து மாந்தர்யாவுங் காலகால முள்ளவே
      மாமுனிக்குப் போற்றிசைத்த கீரத்திகூற லாகுமோ    

 எண்சீர்க் கழி நெடிலடி ஆசிரிய விருத்தம்

பகை கெடுத்து விருத்தம்

பகைகெடுத்து வெல்ல பழவினைகள் செய்யு 

மிடர்கெடுக்க வென்று கவசமென நின்ற                   வொருபாடன்
 

மிகைபடுத்த லின்றி மிகவெளிது சொல்லா 

னிதமுரைக்க சஷ்டி விரதமுற நின்ற                              வடியார்கள்
 

வகைபடுத்து வல்லூ ரிளவரசன் றந்த 

வரியெடுத்து நின்று முழுவருளுந் தந்த                          சிறுபாலா
 

சிகைவுடைத்த செல்வ திருவணிகள் கொண்ட 

மிகவுடுத்த லின்றி பழநிமலை நின்ற                           பெருமாளே

 

ஒன்பது சீர்க் கழி நெடிலடி ஆசிரிய விருத்தம்

 

ஆரூரன் கட்டளைக் கலித்துறை

ஆரூரன் சொல்லா தருளுடை யாசானை யன்றடைந்தே
யாரூரற் சொல்லா லழகுடை நான்மணி மாலைசெய்தே
றாரூரன் சொல்லா தருளு மருஞானஞ் சீரலைவா
யாரூரன் சொல்லா லடைந்த குமர குருபரனே

கட்டளைக் கலித்துறை 

வாக்கிறந்த விருத்தம்

 வாக்கிறந்த பாலன்வாயில் வாரத்தைமேவு கவிதையை 

     வாழ்த்திநின்ற பாலன்சாயல் வந்துநின்ற நேயவா 

          பூத்திருந்து பாலன்வாயில் வெண்சிறந்த பாவினை      யருள்வோனே 

 

பாக்களால் வைகைவாழு மம்மைபால வார்தமிழ்  

    பாலனுன் குமாரசாமி பிள்ளையா ரிசைத்தமிழ் 

          பாதைகாண தருமைசென்று மாசிலாத தேசிகர்             பதநாட 

 

நோக்கறிந்து சைவமோங்க தில்லைநாத னாசிபெற்

    றூக்கமுற்று வாரணாசி சேத்திரத்த டைந்தபின்

       றோத்திரங்கண் மாலைசெய்து சர்வகல்வி வல்லியைத்     தமிழாலே 

 

நாக்கறிந்த மொழிகள்யாவும் நொடியுணர்ந்து கோனிட

    நானிலத்தை வேட்டடைந்து நாரிபாகர் நெறியினை 

       நிலைநிறுத்த வன்பருக் கருளளித்த செந்திலாள்            பெருமாளே 

 

பதிமூன்று சீர்க் கழிநெடிலடி ஆசிரியவிருத்தம்   

 

மன்றாடி வெண்பா

மன்றாடி மைந்தா மருகாமா மாயற்குக்

குன்றாடி கோலமயிற் கூர்வேலா - வொன்றாக

வுன்னை வுளமுருகி யுள்வார்க் குயிராமே

முன்னை முடியவிழ்ந்த முத்து

 

#வெண்பா 

 

இலையிரு விருத்தம்

 இலையிரு கூறாய் நிலனொடு நீரி 

       னிடையினில் வீழச்       சிவபூசை 

நிலையினை யாளு நிறைமுனி வோனும் 

        பறவையு மீனு                மெனமாறு

 

மிலையினை யாவென் றொருநொடி காண 

       விடரிட     பூசை               தடுமாற 

யிதனிடை  பூதஞ்   சிவனடி   யாரை 

      யொருபது நூறு                 சிறையேக 

 

நிலைதடு மாறி நிசவடி யாருந் 

     தமிழரு ளாசு                       புலவோனை 

யுலையுறு மாவி பசியுறும்  பூத

     முளமகிழந் தூணா         யெனநோவ

 

கலைமக ளாளு நயமொழி நாவன் 

     றிருமுரு காறா                    யுனையேத்தப் 

பிலமுட னேகி பிணைவிடி  வித்த

     பர(ங்)கிரி  வாழும்            பெருமாளே    

  பதினான்கு சீர்க் கழிநெடிலடி #ஆசிரியவிருத்தம்