எங்கும் கலிவிருத்தம் செவ்வாயிற் செவ்வேள்

 எங்கு நிறையிறைவா வெங்கண் மனத்துறைவா

தங்கு மறிவளிவா தந்தி முகற்கிளையா

சங்கத் தமிழ்முதல்வா சங்கை தவிர்த்திடவா

கங்கை நதிப்புதல்வா கந்தா கவியரசே

சதுரங்க கலி விருத்தம்

சதுரங்க ராணி சமர்வெற்றி ஈவாள்

கதியென்றும் ஈயும் கணைவிழிகள் எங்கே

மதியென்றும் மேவும் மனையாளே உன்னை

விதியென்ற வேடன் மறைத்தானே கண்ணே

பற்றாசை

 பற்றாசை விட்டதோ பண்டத்தின் மீதென்றுங்

குற்றேவல் செய்தேனுங் கூத்தாடி நின்றேனுஞ்

சற்றுஞ் சுவைகுறையாச் சிற்றுண்டி யுண்போமே

கற்றோசை சாம்பார் கலந்து

யமனில் தொடங்கி சிவனில் ஈறும் வெண்பா

யமன்றீண்டு பால னிமைப்பொழிதிற் காக்க

யமன்மாயக் காலா லுதைத்தான் - றமர்க்காக்க

யாதுங் கொடுக்கு மிணையிலா மாதேவன்

மாதொரு பாகன் சிவன் 

அழகின் வெண்பா (செவ்வாயிற் செவ்வேள்)

 அழகி னிலக்கண மாறுமுக னாவாற்

பழகு மிலக்கணம் பாங்கன் விழுப்புகழ்

செந்தமிழ்ச் சேயோன் சிறப்பை விரித்திட

வுந்தே யிலக்கண வூற்று

பழையவேந்து தரவு கொச்சகக் கலிப்பா

 பழையவேந்து நெடியனாம் பரமனேந்து கொடியனே

கழுகுவேட மளிதருங் கருணைமேவு கருடனே

வழமையாக விழிகொளா விடமிழிந்து மகிழ்வனே

விழவுமேவு பருவமா லடியர்க்காண வந்தையோ!

பத்திர மேற்றுயில் பாலகன் விருத்தம்

 பத்திர மேற்றுயில் பாலகன்

பத்திர மேற்றுயர் பாலகன்

சத்திர மேற்றுயர் பாலகன்

புத்திரி யேற்றுயர் பாலகன்

அத்திர மேற்றொரு பாலகன்

அத்திர மேற்றொரு பாலகன்

நித்தமு மேத்திரு பாலகன்

மொத்தமு மேற்றுயர் கொள்வனே

தீது மாய்ந்திட விருத்தம்

 தீதுமாய்ந்திட ஞானமீள்வர யாதுமாகிய மெய்யினைச்

சூதிலாழ்ந்திடு பாண்டுபுத்திரர் வாதுவென்றிட மைய்யமாய்

நீதிவென்றிட நியாயநன்றிர வேதனீன்றிடு மையனை

ஊதுவேய்ங்குழல் நீலவண்ணனை யென்றுமெண்ணிடு நெஞ்சமே

மெய்யும் மெய்யும் விருத்தம்

 மெய்யுமெய்யு மியைந்திருக்கப் பொய்யுரைத்த லாகுமோ

பொய்யுமெய்யும் புனைந்திருக்க மெய்ம்மலிந்து போகுமோ

பொய்யதோங்க மெய்யொடுங்க வுய்யவாறு கூடுமோ

பையநாக முறங்கிநிற்கு மெய்யைநாடி யுய்மினே

நாராயண நாமம் கலி விருத்தம்

 நாரா யணநாம நம்மை நெறிப்படுத்தும்

பாரா யணஞ்செய்யப் பாவ மறுத்தெறியும்

நேரா யனயாவு நீள வரத்தருளும்

வேரா யனவேண்டா விண்ணை யடைவதற்கே

வாழ்வது கலி விருத்தம் செவ்வயிற் செவ்வேள்

வாழ்வது மாயை வடிவன் நினைவற வீழ்வ துறுதி வினைவசத் தாட்பட்டுத் தாழ்வ தகற்றச் சரவணன் றாட்பணி வாழ்வது வானோர் அமுதமு மாமே

 

சௌம்ய வெண்பா

சௌம்ய வுருவன் சரவண சண்முகன் கௌமாரத் தாற்றின் கதியருண் – மௌன வுபதேச நால்வர்க் குவந்தளித்த வீசற் குபதேச சாமிநா தன்

மெய் வாய் மூக்கு கண் காது குறள்

மெய்வாய் நிதமூக்கு கீதைகண் சேர்க்காது
பொய்வாய் புலனைந் தவி

 

தினேசன் வெண்பா

தினேசன் சுரேசன் அமேயன் சிறீஜா மணாளன்விண் மாதேசன் சௌம்யன் - அனாதிதே தாட்சிண்யன் அட்சயன் சங்கேதன் தைவீகர் ஆட்சிமீள் பத்துமினி தாற்று

 

வடை பாயாச லட்டு முறுக்கு சாங்கிரி வெண்பா

உயர்வடைப் பாயாச வூழியி லட்டு முயிர்முறுக்குச் சற்றா வுளன - துயருறச் சாங்கிரியை கண்டுநின் றாட்பணியா வீணழியத் தூங்குவையோ தூமலராட் கை

 

பாரதத்தை விருத்தம்

பாரதத்தைப் போக்கவந்த பாங்குடைத்த பாரதன் பாரதத்தை மீட்கவந்த பார்பணித்த கோமகன் பாரதத்தைக் கையெடுத்துப் பார்வியக்கச் செய்தநம் பாரதிக்கு நேருரைக்கப் பாரனைத்தும் போதுமோ

 

மகேசன் அருண் சுந்தரம் வெண்பா

மகேசனிள மைந்தன் மறவள்ளி நாதன் 
குகேசன் குறைகளை யாறு - முகேச
னருண்முகத் தொன்றை யணுக வடைவோந்
தெருண்மனஞ் சீர்சுந்த ரம் 

மண்டேன் (Mundane) மணமறிந்து வாழ்! வெண்பா

செயலாற் சிறப்புச் சிதைவிலாச் சிந்தை முயலா துயர்வளஞ்சேர் நாடா - வயலார்தம் பண்டேன் படைப்பின்மேற் பாசத்தொ டேக்கமேன் மண்டேன் மணமறிந்து வாழ்

 

செவ்வாயிற் செவ்வேள் விருத்தம்

 கரையில் கருணைக் கடலே கடையில் லருளு மருளே உரையி லுணரா வுயர்வே உணர்வி லுறையு முயிரே புரையில் புனிதப் புகழே புடைசூ ழிருமா தழகே விரைவின் மதிவா குகனே வினையின் மறவா திரவே

 

நிறைமதி வெண்பா

 

நிறைமதி பாம்பு நிழற்கோள் விழுங்கு

குறைபிடி வேளை குறைதீர் - நிறைமதி

கொண்டிறை நாம குணமோதப் பன்மடங்

குண்டா முரைத்த பலன்

 

மூவடி சிந்தியல் வெண்பா

மூவடி வைத்து முழுது மடைந்தானை மூவடி வைத்து மொழிய முடியுமோ மாவலி யுய்த்த வழி

 

மூவடி வெண்பா

மூவடி வைத்து முழுது மளந்தானின் சேவடி பற்றிச் சிறப்புறுவார் – நாவடியிற் கற்கண் டடக்கக் கரையுஞ் சுவையன்ன தற்கொண்டாற் போன்றிரு தாள்

 

சென்றிலங்கை விருத்தம்

சென்றிலங்கை செற்றுவந்த சீதைகேள்வன் பாங்கனா கன்றெறிந்து கனியுதிர்த்த குட்டன்கண்ணி மைந்தனா பன்றியாக வாரிசென்று பாரைமீட்ட கொம்பனா கொன்றுபொன்னன் குடர்களைந்த கூருகிர்த்த சிங்கனே !

 

அறிவால் கலி விருத்தம் (தோடகம்)

அறிவா லறிவா ரருவாய் விளங்கும் நெறிவா யறிவார் நினைவா ருருவாய்ப் பொறிவா யறிவார் புனறீ யிணையச் செறிவா ரறியுஞ் சிவசத் தியனே

 

நாராயணன் துதி (அஷ்டகம்)

 (நாராயண நாராயண நாராயண என்போம்) 

1. 

தீராவினை பாழாய்விழப் பாலாழியி லென்றும் ஏரார்விழி பாதம்பிடி பாம்பின்குடை துஞ்சும் காரார்முகில் வண்ணத்திரு மேனித்தலை வன்றன் ஓராயிர நாமந்தனி லொன்றிற்கரை வோமே

 

அறியாமை குறள்வெண்பா

அறியாமை நீக்கு மரிநாமத் தேற்ற நெறியாறின் சாறென் றறி

 

பாண்டியனின் வெண்பா (செவ்வாயிற் செவ்வேள்)

பாண்டியனின் பேரனுநீ பாங்கிருவர் கேள்வனுநீ வேண்டுதிரு மார்பணையு மாலின் மருகனுநீ பூண்டதெல்லாம் வெற்றிகரப் போர்ஞானப் புங்கவனீ யாண்டியாய் நின்றது மேன்?

 

மாலைகொண்ட விருத்தம்

 

மாலைகொண்ட பாவைகண்ட பாவைகண்ட மாலையே

காலைகண்டு மாலைகண்டு மன்றலென்ற மேன்மைசேர்

நீலகண்டன் பாதிவந்து மாலைசூட்டு வண்ணமாய்ச்

வாலைகண்ட சொப்பனத்தை வானுமண்ணு மேத்துமே

 

வேலைவேலைவேலை விருத்தம்

 

வேலைவேலை வேலையென்று மூன்றுவேளை வேட்டலோ?

வேலைவேலை வேலையென்று மூன்றுவேளை வேட்டலோ?

வேலைவேலை வேலையென்று மூன்றுவேளை வேட்டலே! 

வேலைவேலை வேலையென்று மூன்றுவேளை வேட்டலே!

 

ஆறுமுக விருதம்

 

ஆறுமுக மன்றுதித்த வாண்டவனைப் போற்றுகவே

ஆனைமுகன் றம்பியென வனுதினமும் போற்றுகவே

ஆறுமக நன்குடைத்த வாண்டனைப் போற்றுகவே

ஆதியுமை வேலளித்த வாடவனைப் போற்றுகவே

ஆறுமுக மன்பர்தமக் கருள்பவனைப் போற்றுகவே

ஆழிதுயின் மாதவன்றன் மருமகனைப் போற்றுகவே

ஆறுமுக மாறுமுக மாறுமுக மேத்துகவே

ஏறுமகம் வாழ்வணைய வெந்நாளு மேத்துகவே