முருக நிந்தாஸ்துதி

மண்சுமந்த கூத்தாடி மைந்தா பணிநடுவே கண்வளருங் கண்ணன் மருகாநீ - அண்டமெலாங் கண்ணிமைக்கும் போதிற் கலாபியிற் சுற்றிவந்துந் தண்டெடுத்து நின்றாய் தனித்து #வெண்பா #நிந்தாஸ்துதி

 

வேலவன் வெண்பா

மாமனைப் போற்கள்வன் மாமியைப் போற்செல்வன் காமனைப் போலழகன் கந்தையன் - சோமனைத் தாங்குமையன் போற்குருவாந் தந்திமுகத் தண்ணற்போ லேங்குமன்பர்க் கீவா னெளிது #வெண்பா

நிந்தாஸ்துதி

 

அப்பனென்ன வாண்டியா மன்னையென்ன சீற்றமாஞ் சுப்பன் திருடனா மம்மான்போன் - றொப்பிற் தமையனென்ன பிள்ளைத் தனங்கொண்டு தாத்த னிமயக்கோன் போன்றுறைவான் வெற்பு #வெண்பா #நிந்தாஸ்துதி

கூரத்தாழ்வார் கலி விருத்தம்

கண்ணிருண்டு போனபோதும் கொண்டபத்தி மாறிடா தண்ணிளியை மாற்றவர்க்குந் தங்குதடை யின்றியே விண்ணுமண்ணு மென்றுமேத்த வள்ளலென்ன தந்தனை மண்ணுலகிற் கூரமாள வந்துதித்த நாதனே

இராம விருத்தம்

 உருவிலங்கைத் தேடி யொருதலைவ னோட
வருவிலங்கைத் தேவன் மைதிலியை மாயத்
துறவியைப் போலத் துகிலுடுத்தி நாடிக்                   களவாட

ஒருவிலங்கை வீழ  ஒருவிலங்கை வாழ
ஒருகணையை யாள ஒளிந்தொளிரு நீயும்   
உறுவிலங்கைத்  தீய ஒருவிலங்கை யேவி              மகிழ்வோனே   

செருவிலங்கைச் சேர வருவிலங்கைக்  கூட
பெருவிளங்கும்  பால மொருமனதா யாக
வொருவிலங்கைக் கோனை யுருகுலைத்தி ராம     மகராசா

கருவிலங்கை நாமு மொருவிலங்கைப் போல
உருவிலங்க நாளு மருமலர்க டூவி
செருவொழிந்து வீழ வரமகிழ்ந் தீவாய்                     பெருமாளே     

13 சீர் #விருத்தம்     

திருமழிசை ஆழவார் போற்றி

 

ஆறுமாறு மாறுமா யாதிதேவ னேத்தியே கூறுமாறை யோரவே குறைகணீங்கி போகுமே ஈறிலாத வீசனை ஈரிலாளு மேதையா மீறிலாறு கூறிய பத்திசாரன் வாழியே #கலிவிருத்தம்

அடடா அடடா அடா

 

கண்ணனே சேருமிடம் கண்ணனே ஆறுமாய்க் கண்ணனே கீதையிற் சொன்னதான் - மண்ணாய் விடடா அகந்தை கொடடா அனைத்தும் அடடா அடடா அடா #வெண்பா

 

காசி வெண்பா

காசினியிற் காசியென பாசமற நாசமற வாசிதரு மீசனவன் றாசனவன் - தேசமுடை வேளையிலே வீதியுலா வீற்றுவந்தான் வானுலக வேளனையா மாறழகைப் பார்த்து #வெண்பா

அருணகிரிநாதரின் கந்தரலங்காரச் சிறப்பு

பூவாற் புனைந்த வலங்கார நாளே புவிநிலைக்க மூவாப் புனையு மலங்கார மேது முருகனுக்கே நாவாற் புனைந்த வலங்கார நன்றென நாயகற்குப் பாவாற் புனைந்தா னலங்காரம் பத்திப் பெருக்கெடுத்தே #கட்டளைக்கலித்துறை

மாலாஞ்சனேயர் சிலேடை வெண்பா

வேதமுறை யாதியவன் றூதனுமாய் பாதமுமாய்
கோதிலுரை போதனைசெய் மேதினியிற் - போதமர்வாள்
ஆழிபெற வாழிகடந் தூழியென பாழடைய
நாழியினி லாழிசூழுந் தீவு  

#வெண்பா  

வெண்பா

கீற்றி னணைப்புக் குறையா மதியையுந் தோற்று முடன்வரச் சொல்லுமா - மேற்றந் தருமதி யன்பிடஞ் சாயு மிதுதா னுருவழ கோவியத்துச் சாற்று

 

சீர்பாத கலிவிருத்தம்

 

சீர்பாத மமைக்க சீர்தொடையுஞ் சிறக்க சீர்பாதந் தொழுது சீர்த்திதனைப் பாட சீர்பாத மருளுஞ் செந்தினகர் வாசா சேர்ப்பாத மென்று தேர்ந்தெடுப் பாயோ #கலிவிருத்தம்

 

கண்ணன் கலிவிருத்தம் / வெண்பா

நூறுதலை நூறுதலை மாறுதலை பூமிபடா
வேறுதலை சீறுதொலை வீழமடி வீறுதவன்
போடநில நூறதலை போரதனி னாழநிலை
நாடியுணர்ந் தாளுமவன் ஞானவுரை போதுமுளே    

கலிவிருத்தம் 

வேலன் விருத்தம்

 பணியெலா முன்னைப் பணிவதுவே பதமெலா முன்றன் பதமதுவே மணமெலா முன்றன் மணவழகே மதியெலா முன்றன் மதிமுகமே அணியெலா முன்ற னணிகடம்பே அருமருந் துன்ற னழகுருவே கனிவதாய்க் குன்றுன் கழற்றொழவே கதியதாய் நின்றாய் குருகுகனே அறுசீர் #விருத்தம்

நாராயணர் விருத்தம்

 வாரிதியு மஞ்சு மவன்சினந்தாற் கூறதுவே மிஞ்சு மதுநடந்தாற் போரதுவே யெஞ்சு மவனினைத்தாற் பாரிதுவே தஞ்ச மவனிணைத்தாள் சாரதியாய் வந்தும் வினைபுரிவான் மாருதியா லன்று நிலையறிந்தான் வாரணமே சொல்லு மவன்புகழே காரணமாய் நிற்குங் கருமுகிலே 6சீர் #விருத்தம்

 

மடக்கு வெண்பா

ஆறுதலை மாறுதலை சீறுதலை யாறுதலை
மாறுதலை வேறுதலைக் கூறவொணா வோருதலை
ஆறுதலை மாறுதலை சீறுதலை ஏறுதலை
தேறுதலைச் சேர்ந்தளிப்பான் சீர்
#வெண்பா

எண்ணலங்கார ஸ்ரீராமர் விருத்தம்

பத்திரதப் புத்திரனாய்ப் பாருதித்தான் ஒன்பதன்று
நித்திரையை வென்றவனும் நிலமகளும் உடன்வரவே
பெற்றவளின் சொற்கேட்டுப் பெருமைதருந் தவம்பூண    வனமேகி

சத்தியமே உருவெடுத்த  சான்றோளா மகலிகையின்
சாபமொழிந் தோடிடவே தாடந்தா னெண்டிக்குஞ்
சாற்றுபுக ழேயுலகும் போற்றிவரு மீறாறா                           யுறைவோனே

பத்தினியை யபகரித்த பஞ்சவிரு சிரவேந்தைப்  
பத்தனவன்  கடற்றாண்டி பந்தமிடத் திறமிருந்து
முத்தமனே நான்மறையி னுட்பொருளே செற்றுவக்கப்      பணிந்தானே   

சித்தமகிழ் முத்தமிழா னித்தியனின்  புகழுரைக்க
தத்துவமு மெனக்கருள்வாய் சத்திதனை நல்கிடுவாய்
சித்திதரு மீரெழுத்துச் சிலைப்பாணி யேகமூர்த்தி                  பெருமாளே

13 சீர் விருத்தம் 

மயிலை அருணகிரிநாதர் விருத்தம்

தேனூறுந் தமிழ்ப்பாடிச் சேநெறியை நிலைநாட்ட
       சீர்காழி வந்துதித்த செல்வன்  இடமாக
கானேகுங் கொடிபாதம் வானாளும் வடிவழகன்
        காதலினால் வருடிவிடுங் கந்தன் எதிராக
மீனேரம் விழியுடையாள் சேவிடையா ருடனாக
        மேவுமார் மயிலைபதி மன்னு கவிராசா
மோனநிலை தவமிருந்து வேலவனின் புகழ்ப்பாடி
        முத்தமிழான் மறைநான்கும் சொற்ற பெருமானே 

எண்சீர் விருத்தம் 

 

தேன் ஊறும் தமிழ் பாடி சே நெறியை நிலை நாட்ட
சீர்காழி வந்து உதித்த செல்வன்  இடமாக

கான் ஏகும் கொடி பாதம் வான் ஆளும் வடிவழகன்
காதலினால் வருடிவிடும் கந்தன் எதிராக

மீன் நேர் அம் விழி உடையாள் சே விடையார் உடனாக
மேவும் ஆர் மயிலை பதி மன்னு கவி ராசா

மோன நிலை தவம் இருந்து வேலவனின் புகழ் பாடி
முத்தமிழால் மறை நான்கும் சொற்ற பெருமானே 

முதலடி திருஞான சம்பந்தரையும் இரண்டாமடி முருகப்பெருமானையும் குறிக்கின்றது , மயிலை கபாலீஸ்வரர் கோவிலில் அருணகிரிநாதர் சந்நிதிக்கு இடப்புறமாக திருஞான சம்பந்தரின் சந்நிதியும் நேர் எதிராக முருகப் பெருமான் சந்நிதியும் அமைந்திருக்கும் . நான்காமடி அருணகிரிநாதரைக் குறிக்கின்றது

சே நெறி - சைவ நெறி
கானேகும் கோடி - வள்ளி அம்மையார்
மீன் நேர் அம் விழியாள் - மீனைப் போன்ற அழகிய கண்களை உடைய உமையம்மை
சே விடையார் - சிவபெருமான்

 

சுவாமி நாதன் மடக்குக் கட்டளைக் கலித்துறை

சங்கரி பாலனைச் சங்கரி பாலன் சிறைபிடிக்க
சங்கர நாதனுஞ் சங்கரி பாலனை ஏனெனவே
சங்கரி பாலனோ சங்கர நாதற்குத் தேர்ந்துரைக்க
சங்கர பாலனும் சங்கர நாதற்கா சானுமாமே

 

அசோகவனக் கலி விருத்தம்

 

வம்பார் மலர்மங்கை தம்பா லிருமிலையை

அம்பார் மகிழ்வுறவே அன்பார் தலைவனுமே

அம்பாற் றலைபத்து மந்தா ரெனவுரைத்த

அன்பாற் புனைமாலை தந்தா ளடியவர்க்கே

#கலிவிருத்தம் 

 

அசோக வன மடக்குக் கலித்துறை

 1.
இராமன் மொழிந்த விசையே நினைவா யிருந்துவந்தே
யிராமன் மொழிந்த விசையே நினைவா யிருந்துவந்தே
னிராமன் மொழிந்த விசையே நினைவா யிருந்துவந்தே
னிராமன் மொழிந்த விசையே நினைவா யிருந்துவந்தே
-கட்டளைக் கலித்துறை

2.
இராமன் மொழிந்த விசையே நினைவா யிருந்திளைத்தே
னிராமன் மொழிந்த விசையே நினைவா யிருந்திளைத்தே
னிராமன் மொழிந்த விசையே நினைவா யிருந்திளைத்தே
யிராமன் மொழிந்த விசையே நினைவா யிருந்திளைத்தே
-கட்டளைக் கலித்துறை 

மாருதி கட்டளைக்களித்துறை

காற்றின் புதல்வா கமலத் திறைவனாய் கற்பத்தீற்றி லேற்றம் பெறுவா யிதுவு முனக்கோ ரிதந்தருமோ கூற்று மொழிந்த குணசீல வைகுந்த வேற்றமறு போற்றுவாய் நாதன் புகழ்கதை யென்றும் புவியிருந்தே 

 #கட்டளைக்கலித்துறை

முருகன் ஆஞ்சநேயர் சிலேடை வெண்பா

அஞ்னையு மஞ்சுனையு மன்னையாஞ் சுந்தரன் செஞ்சடை யீசன் சிறுதுளியாம் - தஞ்சமென்று வந்தார்க் கடைக்கலம் வாலத் திறைவனைக் கந்த னனுமனாய்க் காண்

ஆஞ்சநேயர் கலிவிருத்தம்

ஆலமுண்ட நாதனி னம்சமாக வந்தவன்
ஞாலமுண்ட நாதனி னற்பணிகட் செய்யவே
பாலமொன்று தேவையோ பங்கயனின் சீடனே
வாலமொன்று போதுமே தென்னிலங்கை தீயவே 

ஆஞ்சநேயர் எண்சீர் விருத்தம்

 வஞ்சகத்தின் மேகநாதன் மாயசால மேவிய
    நஞ்சுமிழ்ந்த வம்புதாக்கி நித்திரையை வென்றவன்
அஞ்சுமாறு வீழ்ந்திருக்க அஞ்சிலின்றி வேகமாய்
   அங்கமேவு நஞ்சகற்ற அருமருந்தைத் தேடியே
சஞ்சிவினி மலைபெயர்த்துச் சடுதியிலே சேர்த்தவன்  
   நஞ்சிவனி னம்சமன்றோ நஞ்சறுக்க வல்லவன்
அஞ்சனையின் றவப்புதல்வ னன்புடைத்த சேவகன்
   சஞ்சலங்கட் போக்குவானே நாதனாம மோதியே  

மடக்குக் கலிவிருத்தம்

பழமுதிர்ச் சோலை பழமுதிர்ச் சோலை
யழகனைக் காண வழகனை காண
விழிவழித் தேட விழிவழித் தேட
வழிவழிப் பேறே வழிவழிப் பேறே 

கலிவிருத்தம்

சிலேடை மாலைமாற்று கலிவிருத்தம்

மேலவா வாலவா வாலவா வாலமே
நாலவா வாழவா வாழவா வாலநா
நீலவா வாளவா வாளவா வாலநீ
காலவா வேழவா வாழவே வாலகா  

மாலைமாற்று கலிவிருத்தம் 

ஏகபாத மாலைமாற்று எண்சீர் விருத்தம்

மாதவா மாலவா வாலமா வாதமா
   மாதவா மாலவா வாலமா வாதமா
மாதவா மாலவா வாலமா வாதமா
   மாதவா மாலவா வாலமா வாதமா
மாதவா மாலவா வாலமா வாதமா
   மாதவா மாலவா வாலமா வாதமா
மாதவா மாலவா வாலமா வாதமா
   மாதவா மாலவா வாலமா வாதமா

மடக்கு விருத்தம்

 அஞ்சுமாறு மெட்டுமே வந்துவந்த வாழ்விலே
அஞ்சுமாறு மெட்டுமே வந்துவந்து வாழவே       வருவாளே

அஞ்சுமாறு மெட்டுமே வந்துவந்த வாழ்விலே
அஞ்சுமாறு மெட்டுமே வந்துவந்து வாழவே        வரமாக

அஞ்சுமாறு மெட்டுமே வந்துவந்த வாழ்விலே
அஞ்சுமாறு மெட்டுமே வந்துவந்து வாழவே       தருவாயே

அஞ்சுமாறு மெட்டுமே வந்துவந்த வாழ்விலே
அஞ்சுமாறு மெட்டுமே வந்துவந்து வாழவே       பெருமாளே

9 சீர் ஆசிரிய விருத்தம்