உண்டுமிழ்ந்து சந்த விருத்தம்

உண்டு மிழ்ந்தி டந்த ளந்த வொன்று பார நீங்கநீ

பண்டி ழிந்து தேர்ந டத்து பாக னாகி பாரதச்

சண்டை யுண்டு செய்து கந்து தந்த வாழும் போதனை

மொண்டு மொண்டு தேனு கத்த லுற்ற வாழ்வின் பற்றிதே

காதலை எக்காலுஞ் செய்யாதிரு வெண்பா

 செத்தாலுஞ் சாவதே சாலவு நன்றென

வொத்தாசை யொன்றுமில்லா வூழ்வினையாற் - றத்தளிக்க

முக்காலு மின்பொழிக்கு மோகமாங் காதலை

யெக்காலுஞ் செய்யா திரு

நேசமொன்றிக் காதலிப்பீர் நீர்

 காதலின்றி வாழ்விற் களையில்லை புத்துயிரின்

ஆதலின்றி ஆழிசூழ் பாரில்லை - மாதிலொன்றும்

ஈசனும் நாரா யணனும் கரிநுமக்கு

நேசமொன்றிக் காதலிப்பீர் நீர்

வேடன் வடிவில் விருத்தம்

வேடன் வடிவி லருள்வோனை

வேதன் றலையொன் றரிவோனைக் கூட னகரி லரசாளும்

கோலக் கயலா டலைவோனை ஆடுங் கலையின் முதல்வோனை

ஆலி னிழலில மர்வோனை நாடு மனமே நமையாளு

நாளென் றிறைவா நவிலாயே

திருவோ டிரவே கட்டளைக் கலித்துறை

 திருவோ டிரவே திருமா லெனுந்திரு நாமம்பெற்றார்

திருவோ டிரவே சிவனா ரிடைஞ்சல் சிதைத்தவளாந்

திருவோ டிரவே தினிவாழ்வில் வேதனை தீரிருள்சேர்ந்

திருவோ டிரவே யருக்க னிறத்தா ளருளுளதே

வேண்டிநின்ற

 வேண்டிநின்ற வேட்கையாண்டு வீண்டிரிந்த மூடனாய்

மீண்டுமீண்டு கூண்டிலாண்டு மாண்டுபோக வாரிதி

யாண்டுமென்னை விட்டிடாமல் வேண்டியாண்ட வேலனே

மூண்டகாதல் மூன்றிரண்டு முகங்கள்காண வேங்குதே

வேண்டுவன

வேண்டுவன வேண்டா வெனவிவரம் யாமறியோங் கூண்டிலுறை கொற்றமிலி கூற்றுவன் கைப்பாவை பாண்டவரை யீடேற்று பச்சைப் புயன்மருக! ஆண்டெமை யீடேற் றணைத்து

காமர்தாதை

 காமர்தாதை வில்லெடுக்க சேமமாகு முலகெலாம்

ராமர்சீதை கதைகதைக்க ஏமமாகு நாளெலாம்

சாமகீத யாமநாடர் தாமுகந்த நாமனின்

வாமகாதை மனமிருக்க வாட்டமெம்மை நாடுமே

அறம்வளர்த்த வெண்பா

அறம்வளர்த்த நாயகி யாழ்விருப்பக் கண்ணி

மறம்வளர்த்த மாவரசி மாதா - புறம்வளர்த்த 

பொய்யைந்தின் றாக்கத்தாற் பொல்லே னுனைமறந்து

மெய்யைந்தின் மேன்மை விளம்பு 

திருவோடு இன்னிசை வெண்பா

திருவோ டிருக்குந் திருமா லடியேந்

திருவோ டெடுக்குஞ் சிவனா ரடியேந்

திருவோ டிருந்து திளைத்தலு மொப்பாந்

திருவோ டெடுப்பத னோடு

வளை உகிர்த்த விருத்தம்

வளையு கிர்த்த குடல்க ளைந்து மாலை சூடு சிங்கமா 

வளையு கந்த வாய்ச்சி மாரி னாழ்ந்த காதல் சிங்கமா

தளைய கற்று தாள்ப தித்து மாது மீட்ட சிங்கமா

தெளிவ கத்தி னன்ப ருள்ள மொளிப ரப்பு மங்கியே 

வேடன் எய்த சந்த விருத்தம்

வேட னெய்த வம்பி னுக்கி ரைய தான வேடவுன் சீட னெய்த வம்பி னுக்கி றைய தான போதமீ ணாட ணைந்தொ ரைவ ருய்ய நீதி கேட்ட தூதநீ சேட னெய்துன் சேவை செய்யு மாய வாய சேடியே

ஆனைக்கும் அடி சறுக்கும் வெண்பா

அடிசறுக்கும் என்றஞ்சி ஆற்றினா டோமோ

மிடிவருத்தும் என்றஞ்சக் கிட்டா - படைவளர்த்த

சேனைக்கும் வெற்றி திசையெட்டின் பார்சுமக்கும்

ஆனைக்கும் அஃதே ஒழுங்கு

ஆனைக்கும் அடிசறுக்கும் வெண்பா

ஐரா வதெமென்னும் ஆனைக்கும் ஆணவந்தான்

தொய்வாம் இழிபிறவி தோற்றுவிக்கும் - உய்வாம்

படிசறுக்கும் சீவர்க்குப் பற்றிறையே காணீர் 

அடிசறுக்கும் ஆற்றின்மீ ளற்கு 

முத்திதரும் வெண்பா

 முத்திதரு மெட்டெழுத்தை முற்று முணர்ந்தோது

பத்திநிலை வாய்க்கப் பலபிறவி யர்த்தமிலா

வத்திகிரி பேரரு ளாளன் மனமுவக்கச்

சித்திக்குங் சீக்கிரஞ் சீர்த்து

அவனே தமிழானான் வெண்பா

அவனே தமிழானா னாதியந்த மில்லா

தவனே யடையாறு மானா -னவனே 

யவைத்தலையாய்ப் பாடி யகப்பொரு டந்தான்

சிவை(த்)தலையை யெண்ணிச் சிவந்து 

உமையாளடி சரணே விருத்தம் - 3

விடையானிட முடையாடுடி யிடையாண்மல ரடியாள்

விடையானடு மிடையானுடன் படிமீதுதி யிடையாள்

அடியாரிடர் நொடிதீர்த்திடு பரிவார்கடை விழியாள்

முடிமீதணி மதிவாணுத லுமையாளடி சரணே

உமையாளடி சரணே விருத்தம்

மலைமாமுலை யமுதாலுயி ரடைவேகிடு வகையாள் 

மலைமாடின மிமயோர்துதி கயலார்விழி மடவாள்

கலைமான்மழு கரமாள்பவர் குறைதீர்த்தரு டுணையாள் 

உலகேழினி னொருதாயவ ளுமையாளடி சரணே 

உமையாளடி சரணே விருத்தம்

மகிடாசுரன் றலைவாங்கிடு திரிசூலங்கை யுடையாள்

சகடாசுரன் றலைவாங்கிடு சிறுபிள்ளையி னிளையாள் 

புகழாரரன் றலைசூடிடு மரவாழியை யுடையாள் 

துகளாகிடு நிலைமாற்றிடு முமையாளடி சரணே 

என்னுள் வெண்பா (செவ்வாயிற் செவ்வேள்)

 என்னு ளுறைவானை யெங்கெங்குத் தேடியு

மன்னு மகத்துவனைக் கண்டிலனே - கன்னலே

செந்தமி ழண்ணலே செவ்வேட் பரம்பொருளே

வந்தணைத்துக் காட்டு வழி

சஞ்சலங்கள் தீர்த்து வைக்கும் எழுசீர்ச் சந்த விருத்தம்

சஞ்ச லங்க டீர்த்து வைக்கு மஞ்ச லங்கை மழலைமாய்

வெஞ்சி னங்க டீப்பி டித்த கஞ்ச னேவி ராக்கதர்

துஞ்சி வீழ லீலை செய்த வஞ்ச னத்து வண்ணனைத்

தஞ்ச மென்று நண்ணு வார்க்க ணஞ்ச லென்ப தண்டுமோ

வேலேந்தி விருத்தம்

 வேலேந்தி வினைதீர்க்கும் வீராதி வீரா

சூலேந்து சிவனார்க்கு மார்சாமி நாதா

மாலேந்து மனிதர்க்கும் வாழ்வீயும் பாலா

காலேந்து முடனீக்கு முன்னேவந் தாளே

பார்ப்பதி பாதம் பணி சிலேடை வெண்பா

பச்சை மலைமேனி பார்வை பொழிகருணை

இச்சை விழியீர்ப்பி னீடற்ற - பிச்சையிட்டு 

நீர்ப்பதி சாபத்தை நீக்கு நிறைகுணத்துப்

பார்ப்பதி பாதம் பணி 

பார்ப்பதி பாதம் பணிந்து வெண்பா

 மாயனைச் சேர மனவுடலை யொன்றாக்கித்

தூய தவம்பேணத் துப்புளதோ? - வாயினு

நோற்பதெனின் பாவையர்போ னோற்போ மடைவழியாம்

பார்ப்பதி பாதம் பணிந்து

பெரு வெளி முதல் விருத்தம்(செவ்வாயிற் செவ்வேள்)

 பெருவெளிமுத லிருநிலம்வரை விரவியபுக ழொருவன்

சுரருலகுறப் பொருதவுணரி னுருசிதையயில் விரகன்

குருவடிவினிற் பிரணவமதை யரன்செவியுரை முருகன்

திருவளருர கருமுகிலரி மருகனதடி சரணே

மெய்யானை விருத்தம்

 மெய்யானை மூன்று விழியானை

       வேணி மதியானை நதியானைச்  

செய்யானை யால மிடறானை

      நெக்கு மரவானை மழுமானங்

கையானைத் தீயின் வடிவானைக் 

      காம னெரிகண்ட நுதலானை 

வையாளு மாதி னரையானை 

     வாசி யுருவாக விழையாவே 

திருக்கடிகை நரசிம்மர் விருத்தம்

 த்யானமுற்ற வன்பர்காண வுடனுகந்து தோன்றிடும்

பானகத்தை மிகவிரும்பும் ஞானமுத்தி சாதனம்

தேனுகக்கும் வண்டுநாதந் தேர்ந்தொலிக்குஞ் சோலைசூழ்

வானுகக்குங் கடிகையாளும் யோகமூர்த்தி சீயமே

யோகநிட்டை (திருக்கடிகை விருத்தம்)

யோகநிட்டை யாசனம் மாலனன்ன நாற்கரம்

சோகமற் றன்பர்வாழத் தோத்திரஞ்செய் செபவடம்

மேகமொத்த வண்ணனன்ன சங்கினோடு சக்கரம்

ஆகமேந்து ஞானமூர்த்தி கடிகை யாஞ்சநேயனே

ஈரோ வில்லன் வெண்பா

 ஈரோசைச் செம்மொழிக ளீன்ற துடியிசைப்ப

நீரோசை தங்குசடை நெஞ்சுருக்கப் - பாரோசை

தானடங்கக் காலோச்சு தாண்டவங் காண்பித்தி

யானொடுங்க வீமலைவில் லன்

ஆழ் கடலின் வெண்பா

ஆழ்கடலி னஞ்சுண்டா யான்விடையின் மீதூர்ந்தாய்ப்
பாழ்கடல் சம்ஸாரப் பற்றறுப்பா - யேழ்கடல்சூழ்
தென்னிலங்கைக் கோமான் றிமிரடங்கக் கால்விரலைப்
பொன்விலங்கல் வைத்தாய்ப் பொதிந்து 

வாரிபார்த்த சீரலைவாய்த் தேவு வெண்பா (செவ்வாயிற் செவ்வேள்)

 சூரனுஞ் சுற்றமுந் தோற்கிலை வென்றரே?

காரிரு ணீங்கியுன் பேரருள் பெற்றரே!

மாரிகாத்த மாமனன்ன மட்டற்ற வள்ளலே

வாரிபார்த்த சீரலைவாய்த் தேவு !

முதல் திருவந்தாதி

அரனா ரணாம மான்விடை புள்ளூர்தி

யுரைநூன் மறையுறையுங் கோவில் - வரைநீர்

கரும மழிப்பளிப்புக் கையதுவே னேமி

யுருவமெரி கார்மேனி யொன்று