வேங்கட சுப்பிரமணியர்

சிகியேறும் பாலன் சிறந்தளித்தான் காட்சி சிகிதோகை சூடுஞ் சிறுவ னிகராகப் பூசணியா மண்ணணிப் பூண்கோலங் கண்ணுற்றே மாசி மகத்து மகத்து #வெண்பா

திருமணம்

உயிரோ டுலைவைத் துணர்வற் றுலுக்கு
மயர்வுற் றழிய வழைக்குந் - துயரை
யடியோ டொழிவா யறவே விரும்பாய்
படியோ டமைதியைப் பார்

 

 

 

ஒப்பிலியப்பன்

உப்பிலா தூணுண்ணு மொப்பிலி யப்பனுடன் செப்பரிய பூமகளுஞ் செய்யாளு மொப்பனையாய் மார்க்கண்ட ரேத்தி மகிழ்ந்த திருக்கோலம் நேர்கண்டார்க் குண்டோ நிகர் #வெண்பா

ஏரகத்துச் செட்டியாரே

தாரகத்தை வேண்டிய தந்தைக் குவந்தளித்த பாரகத்தி லுள்ள படையாறி னீவாழு மோரகத்தைக் கண்டுய்ய வூன்பெற்ற பேறென்னே ஏரகத்துச் செட்டியா ரே #வெண்பா

மாசி மகம்

பாசத்தை நீக்கும் பதிக்கு மகன்மீது
பாச மிருப்பது பாங்கன்றோ - ஈசற்கே
ஆசானா யோங்காரத் தாழ்பொருளை யின்றுரைத்தான்
மாசி மகத்து மகத்து

#வெண்பா

லலிதாம்பிகை ஜெயந்தி

மாசி மகத்து மகத்தறிந் தேத்துவோங் காசினி யாளுங் குமரியை - ஆசிபெற வாசமல ரென்றே மனமளிப்போம் பத்தியினின் மாசி மகத்து மகட்கு #வெண்பா

லலிதாம்பிகை தியான ஸ்லோகம்

 உதிக்குங் கதிரி னுடனிறண் மாணிக்கஞ் சூடுமுடி
மதிக்கும் பெருத்த முலைக்குங் கரமேந் தமுதலர்க்குங்
துதிக்கு மடியர் துயர்தீர் விழிக்கும் வினைத்தொடரைச்
சிதைக்குங் கமலக் கழற்கும் பணிவாந் திருமகளே  

#கட்டளைக்கலித்துறை

முருக பீஷ்ம சிலேடை வெண்பா

அத்திக் கிறைக்கழ காறனையாங் கங்கைபதி யத்தற் குரைவாக் களித்தனன் - முத்திக் கொருவித்தை யெல்லா வுலகுயிர்க்குஞ் சொன்னப் பொருநாதன் பீஷ்மகந்த னொன்று #வெண்பா

தமிழ்மொழி வெண்பா

முத்திதருங் கண்ணபிரான் முப்பஃது பாவுவந்த சத்தியத் தோற்றத் தமிழ்மூன்றுஞ் - சத்தியிளஞ் சேய்மொழியைச் சந்ததமுஞ் சிந்தையிற் சீரமர்த்தித் தாய்மொழியைப் போற்றுவோம் நாம் #வெண்பா

தாய்மொழி யகவல்

தாய்மொழி காக்க தன்னுயிர் மீட்க
வாய்வழி வருநற்  சொற்க டன்னைத்  
தேன்மொழித் தமிழைத் தவிர்த்துப் புழங்கு  
மேனைய மொழிக் கலப்பின்றிப் பயில
ஆன வரையி லருந்தவ மாக
மனமுஞ்  சித்து முடலு முயிருந்
தினமுஞ் செபிக்க இறையாய்த் துதிக்க
விழைவோம் விரும்பி ஏற்றம் பெறவே
நுழைவோம் நீண்ட மரபின் நீட்சி
யாகச் சான்றோர் சங்கங் காத்த
வாகாய் விளங்கும் தெய்வத் தமிழை
எழுத்துஞ் சொல்லும் பொருளு மணியும்
வழுவாக் கற்று வளத்துடன்  வாழ்வி
லொவ்வொரு சிறிய நிகழ்விலும் கூட
செவ்வனே நம்மொழி சிறப்பா யாள
நாமும் பயின்று பிறர்க்கும் விளக்கி
காமம் கொண்ட காதல ரன்ன
கவிதை பாடிக்  களிப்புறச் செய்வோம்
நவிலத் தக்க நூற்பல வுளவே
அதனைக் கற்க நாளுஞ் சிலவே
மதிதரு மமுதா யென்றும மொளிரும்
கதிபெற் றுய்ய விலக்கியக் கடலின்
முத்துக் குளிக்க முயல்வோம்
முத்துக் குமரன் மொழியாந் தமிழே   
 
- ஆசிரியப்பா

பீஷ்ம ஏகாதசி செவ்வாயிற் செவ்வேள் விருத்தம்

 

_{வாளெடுத்துப்   போர்தொடுத்து வாகைசூட வழியிலா}

_{மானுடற்குப் பாத்தொடுக்கு மாண்பளித்து வாழ்விலே}

_{தானகற்றித் தாள்பணிந்துன் னாமமென்றுஞ் சொல்லவே      அருளாயோ}

 

விநாயகமுருக வெண்பா

பொருப்புறைக் கந்தன் புகழ்பாட நாளும்
விருப்புடை யன்பர் வினைதீர்க்க வல்ல
மருப்புடை யண்ணன் மலர்பதம் போற்றித்
திருப்புகழ் கூறச் சிறப்பு

#வெண்பா  

சிவமடக்கு வெண்பா

நஞ்சிவனை நாடாது நங்கை யமுதுசெய்ய வஞ்சுதலை யார்க்கில்லை கூறு - கடைந்தெடுத்த நஞ்சிவனை நாடாது நங்கை யமுதுசெய்ய வஞ்சுதலை யார்க்கில்லை கூறு

அரங்கபுஜங்கம்

 உறங்கா தராமே லுறங்கா துறங்குஞ் 

 சிரங்கா விரிக்கண் கிடந்தா யனந்தா 

 வறங்கா மறங்கா வரம்பே விளங்காத் 

 திருந்தா வினங்கா துரங்கா வரங்கா

#புஜங்கம்

 

புஜங்கம்

அரங்கர் கிடந்தா லவர்கண் வளர்ந்தா லராமேல் படுப்பா ரதன்கீழ் சுகிப்பா ரிராமர்க் கிசைந்தே கனாவைத் தவிர்த்தே ஒரேவாழ் விலக்காய் நடக்கும் புயங்கம் #கலிவிருத்தம் #புஜங்கம்

செவ்வாயிற் செவ்வேள்

அரக்கர்க் கிரக்கந் துறக்கச் செருந்தே நரர்க்குஞ் சுரர்க்குஞ் சிறக்கப் பொழிந்தா யரர்க்குப் பகர்ந்த வனைக்கும் பகர்ந்த விருந்தை முனிக்கும் பகர்ந்தாய் சிறந்தே

#கலிவிருத்தம்  

 

புஜங்க கலி விருத்தம்

அரக்கர்க் கிரக்கந் துறக்கச் செருந்தே நரர்க்குஞ் சுரர்க்குஞ் சிறக்கப் பொழிந்தா யரர்க்கும் பகர்ந்தா யனைக்கும் பகர்ந்தாய் விரும்பிச் செவிக்குண் மறைக்குட் பதத்தே

மறைக்கு உட்பதம் - பிரணவம்

ஈச ரெண்ணலங்காரம்

அஞ்சுண் டழகுதலை யீசற் கது்தாங்கு
மாறுண் டரவுண்டு கொன்றை மலருமுண்
டேழுலகும் போற்று மமுத மதியுமுண்
டெண்குணத்த னாணைதனை யேற்றுப் பணிசெய்யு
மொன்பது கோளுண் டுடன்வரும் பத்தரி
னஞ்சழிக்கு மக்கர மஞ்சுண்டு வேதமிங்கு
நான்குண்டு நஞ்சுண்ட நாதனை யான்றுரைக்க
மூன்றுண்டு கண்கண் முதல்வற் கிருவினையை
வென்றொழிக்கு மீடிலா அன்புண்டு காத்தருளு
மொன்றுண் டுணர்ந்துன்னு ளுள்ளு

#வெண்பா 

ஏழு மலையான் வெண்பா

அலையப்பா போதமர்வாண் மார்புறையு மேழு
மலையப்பா வேங்கடவா மாந்தர்  அலையப்பா
வுன்னோக்கை வேண்டி யுனநாம மார்ப்பரித்துத்
தன்னோக்கை வெல்லுந் தரத்து
#வெண்பா 

கதிரவ மடக்கு வெண்பா

படியாளுந் தீவரையன் பார்த்துய்யத் தீர்த்த
நெடியா னினைத்துதிக்க வென்று  படித்தான்
படியாளுந் தீவரையன் பார்த்துய்யத் தீர்த்த
நெடியா னினைத்துதிக்க வென்று

#வெண்பா 

விநாயகர் மடக்கு வெண்பா

 

பணத்தை மதிக்கை யெணத்தைத் தணிப்பாய்
கணத்தைத் துதிக்கை பணிந்து - வணத்தை
பணத்தை மதிக்கை யெணத்தைத் தணிப்பாய்
கணத்தைத் துதிக்கை பணிந்து
#வெண்பா 

கந்தன் கலிவிருத்தம்

தைத்திங்கள் பூசத்தில் வைவேலைக் கைப்பிடித்தான் தைத்துள்ள வைவாழ்வில் வைத்தெம்மை வாட்டாமல் உய்த்துய்ய ஊழ்வினையை முப்புறமுந் தீவைத்து மெய்த்தாளந் தந்தருளுஞ் செய்யோனைப் போற்றுவமே

#கலிவிருத்தம் 

அபிராமி மடக்கு வெண்பா

கதியென வேத்தி கழற்றொழுவார்க் காக்க மதியென வானிற்குந் தோடு - பதியே கதியென வேத்தி கழற்றொழுவார்க் காக்க மதியென வானிற்குந் தோடு #வெண்பா

அபிராமி கலித்துறை

ஈடற்ற நேசத் திறைவி அனைத்துயி ரீன்றவளே காடுற்ற வீசற் கடுநஞ் சமுதாக்குங் கற்பகமே ஏடற்ற வேத மிசைக்கு முனது கழலிணையே தோடுற்ற தேவி துணைவர வேதுந் துயரிலையே #கட்டளைக்கலித்துறை

அபிராமி வெண்பா

மறைமதி மாறு நிறைமதி என்றே இறைமதி யன்ப ரிசைத்தாற் - குறைமதி தாங்கு மிறையொரு பாங்கின டோடுதர ஓங்கி ஒளிருமே வான் #வெண்பா

இராம யமக வெண்பா

திருவிலங்கை மாய திருவிலங்கை யாளும் பெருவிலங்கை மாய்பான் பிறப்பு - செருவிற் திருவிலங்கை மாய திருவிலங்கை யாளும் பெருவிலங்கை மாய்பான் பிறப்பு #வெண்பா

திருமங்கையாழ்வார் கலித்துறை

திருமங்கை யாண்ட திருகங்கை பாதன் றிருவருளாற்    
றிருமங்கை யென்ன திருமங்கை யாண்ட திருவழகன்
றிருமங்கை யாண்ட திருமங்கை யாழ்வான் தனையொருநற்  
றிருமங்கை யென்றே திருமாலை யாண்டான் றிருமடலே 

#கட்டளைக்கலித்துறை 

முருக மடக்கு வெண்பா

கரியா னனத்தான் கனலான் றுதித்தா
னுருமா வகுத்த துறவு - முருகன்
கரியா னனத்தான் கனலான் றுதித்தா
னுருமா வகுத்த துறவு
#வெண்பா 

கருமான் மருமான் வெண்பா

முயக்கின் றிளைப்பு முனைப்புப் பயக்கு
மயக்கும் விலக்கின் மகிழ்வான் - மயக்கு
முருமான் விரும்பு முகந்தாள் பணிசெய்
கருமான் மருமான் கனிந்து
#வெண்பா 

வேலவன் வெண்பா

முப்புரமும் வெப்பெரிய மூரலிட்ட வொப்பரிய அப்பணிவோ னப்பனென வானதனாற் - செப்பரிய புன்னகையைச் சீறிவரும் போரினிலு மாண்டுவப்பாய் மன்னுபுகழ் வள்ளியம்மை வேந்து #வெண்பா

ஏகபாதக் கட்டளைக்கலித்துறை

அறுசம யத்தை யருந்தவத் தையாள் பவனிலையே
அறுசம யத்தை யருந்தவத் தையாள் பவனிலையே
அறுசம யத்தை யருந்தவத் தையாள் பவனிலையே
அறுசம யத்தை யருந்தவத் தையாள் பவனிலையே

கட்டளைக்கலித்துறை ஏகபாதம் 

செவ்வாயிற் செவ்வேள் வெண்பா

செய்யாளி னொய்யார மைதீட்டும் வைவிழி்யா ளையணங்கைக் கைபிடிக்கு மையவனை - மெய்யாரப் பொய்யகலக் கைதொழுகை செய்யாமல் வைதாலு மெய்யருள்வான் மைம்மழையாய்ப் பெய்து #வெண்பா

சிங்கபெருமாள் வெண்பா

 

சிங்க பெருமானின் சீறிய நெற்றிக்கண்

செங்காந்தள் பூவினது தீத்தோற்றம் - தங்கத்துக்

கோவை மடியமர்த்திக் கூறிட்டான் பத்தர்க்குச்

சேவை தினமருள்வான் றேர்ந்து

#வெண்பா

 

செங்காந்தள் வெண்பா

 

சங்கரனின் சுட்டெரிக்கு நெற்றிக்கண் செங்காந்த

டீவடிவா யானதோ இங்கு

குறள் #வெண்பா

 

வேலவன் வெண்பா

இலங்கும் விலங்குந் துலங்கா விலங்கும்
விலங்கே கலங்கா விளங்கு   -நலமே
விளைய கரவா திடுவா யுமையா
ளிளைய குமர னினைந்து 

பூ மன்னு மாது

பூமன்னு மாது புனைமாலை யேற்ற பெருந்தகையே பூமன்னு மாது புனைமாலை யேற்ற பெருந்தகையே பூமன்னு மாது புனைமாலை யேற்ற பெருந்தகையே பூமன்னு மாது புனைமாலை யேற்ற(ம்) பெறுந்தகையே

கட்டளைக்கலித்துறை